Thursday, August 13, 2015

ကြံဖွတ်ပါတီတွင်း ပြုပြင်ပြောင်းလဲရေးသမားနှင့် မပြုပြင်မပြောင်းလဲရေးသမား နှစ်ခြမ်းကွဲ

၁၃-၈-၂၀၁၅
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဋ္ဌ သူရဦးရွှေမန်း ကို မနေ့ ည ၁၀ နာရီ ၃၀ လောက်
မှာ  နေပြည်တော်၊ ဒက္ခိဏသီရိမြို့နယ်ရှိ ပြည်ခိုင်ဖြိုး ပါတီဌာနချုပ်အား ရဲ နှင့် တပ်အင်အား ၂၀၀ ခန့်
ဖြင့် ဝိုင်းရံပိတ်ဆို့ကာ သူရဦးရွှေမန်းအား အင်အားသုံး ဖယ်ရှားလိုက်ပြီ ဖြစ်သည်။

လက်ရှိအစိုးရ သမ္မတ ဦးသိန်စိန်နှင့် ပါတီ ဥက္ကဌ ဦးရွှေမန်းတို့ သည် မကြာခဏဆိုသလို သမ္မတ
နေရာကိစ္စနှင့်ပါတ်သက်ပြီး ပြောဆိုမှုတွေ အခြေအတင်ဖြစ်ပွားခဲ့သည်။ သမ္မတနှင့် တပ်မတော်က
တစ်ဘက် ပါတီဥက္ကဌ နှင့် လွှတ်တော်ကတဘက် အားပြိုင်မှုတွင် အသီးသီး နောက်ခံအင်အားရှိကြ
သော်လည်း ဒီမိုကရေစီနဲ့ စီးပွားရေးလမ်းကို ခင်းနေသော ဦးရွှေမန်းနှင့် အာဏာကိုအသုံးပြု၍ နိုင်ငံ
ရေးချုပ်ကိုင်ချင်သော ဦးသိန်းစိန် အစိုးရကြား အားပြိုင်မှုများကြီးမားလာခဲ့ပြီး နှစ်ဘက်အင်အားရှိသည့်
အတွက် ပါတီတွင်း ဖြေရှင်းမရ လိပ်ခဲတင်းတင်းဖြစ်နေချိန်တွင် မနေ့ ညက ပါတီရုံးချုပ်ကို ရဲ၊ တပ်
၂၀၀ ကျော်ဖြင့် အင်အားသုံးဝင်ရောက်၍ ဦးရွှေမန်းအား ရာထူးမှ ဖယ်ရှားခဲ့သည်ဟု သတင်းများ
ထွက်ပေါ်ခဲ့သည်။ပါတီနှင့် လွှတ်တော် ဥက္ကဌ ကို ထိုသို့ အင်အားသုံး ဖြေရှင်းရသည့်အခြေအနေ
သည် နိုင်ငံတော်လုံးခြုံရေးကို အကြောင်းပြပြီး ဦးရွှေမန်းအား ဖမ်းဆီးထိမ်းသိမ်းထားခြင်းဖြစ်နိုင်
သည်။

ဦးရွှေမန်းအား ထောက်ခံသူ ဦးအောင်ကို ဦးသိန်းဇော် ဦးသိန်းဆွေ ဦးခင်မောင်မြှင့်နှင့် ဒေါ်ခင်ဝိုင်း
ကြည်တို့ အား  ခေါ်ယူစစ်ဆေးနေသည်ဟု သိရှိရသည်။အာဏာလုပွဲတွင် တပ်ချုပ်မှူးကြီး၏ အမိန့် 
အရဆိုပြီး အင်အားသုံးခဲ့ခြင်းဖြစ်သည်။လက်ရှိ အာဏာနှင့် လက်နက်တပ်ကို အမိအရယူထား
သော ဦးသိန်းစိန်အစိုးရသည် အာဏာဆက်လက်တည်မြဲရေးကို အနှောက်အယှက်ပြုမည့် မည်သူ့ 
ကိုမဆို အလျှော့ပေးမည်မဟုတ်ကြောင်း သက်သေပြခဲ့ပြီဖြစ်သည်။ အာဏာရှင်များ ဆက်လက်
အုပ်ချုပ်နိုင်ရေးအတွက် ခြေလှမ်းများ ကြမ်းလာနေသည်ကို သိရသည်။ လာမည့် ၂၀၁၅ ရွေးကောက်
ပွဲမှာ စစ်အာဏာရှင် လူတစ်စုက ၁၀၀% အနိုင်ရမည်ဟု ကြွေးကြော်ခဲ့ခြင်းသည် အစီအစဉ်များ
ရှိနိုင်သည့်အတွက် ပြည်သူများအနေဖြင့် လျှော့တွက်၍ မရနိုင်ပေ။ 

ယနေ့ နံက်ပိုင်းတွင် ပါတီထိပ်ပိုင်းခေါင်းဆောင်များ အရေးပေါ်အစည်းအဝေး ခေါ်ပြီး ဦးဌေးဦးနှင့်
ဦးစိုးသာ တုိ့မှ ဆက်လက်ဦးဆောင်ပြီး ပါတီဗဟိုကော်မတီကို အသစ် ပြန်လည်ဖွဲ့စည်းသွားမည် 
ဖြစ်ပြီး ပါတီတွင်း သူ့ လူ ငါလူ အကွဲအပြဲများနဲ့  နောက်ဆက်တွဲ ပြသနာများ ဖြစ်ပေါ်လာနိုင်သည်
ဟု နိုင်ငံရေးစောင့်ကြည့်လေ့လာသူများက ဆိုသည်။ပါတီဌာနချုပ်အား လုံခြုံရေးတင်းကျပ်ထားဆဲ
 ဖြစ်ကြောင်း သိရှိရသည်။ပါတီတွင်းအာဏာသိမ်းမှုနှင့်ပါတ်သက်ပြီး တိုင်းပြည်မငြိမ်မသက်မှုများ
ဖြစ်အောင် ဖန်တီးလာနိုင်၍ ပြည်သူများ သတိကြီးစွာထားကြဖို့  လိုအပ်သည်။

မြသိန်း