ဂျပန်နိုင်ငံထုတ် မိုင်အိနိချိ သတင်းစာပါ ဒေါ်အောင်ဆန်းစုကြည် ရေးသားတဲ့ HOLIDAY - 4

Holiday 4

မြန်မာပြည်မှစာ အားလပ်ရက် (၁)

အခုအချိန်မှာ နှစ်ပေါင်းများစွာအတွက် အားလပ်ရက်များဟာ ကျွန်မအဘို့ အတိတ်ဖြစ်ရပ်များရဲ့ လျှပ်တပြက်ပုံရိပ် များအဖြစ် ထင်ထင်ရှားရှားနဲ့ ကွာလှမ်းခဲ့ကြပါပြီ။

ဟိမဝန္တာတောင်တန်းများမှာ- စွဲမက်စရာကျာပွတ်များနဲ့ အိနြေ္ဒရတဲ့မြည်းရဲ့ကျောကုန်းထက်မှာ စီးလျက် မှော်ကပ် ပင်များဖြင့်ပန်းဆိုင်းပန်းကုံးများသဖွယ်စီခြယ်ထားတဲ့ သစ်တောများရဲ့တောင်လမ်း တလျှောက်ကိုတက်လှမ်း ခဲ့ တာ၊ မြက်များထူတဲ့တောင်စောင်းမှာထိုင်ရင်း မြူခိုးဝေပြီး အရိပ်ကောင်းတဲ့ မြေပြင်များကိုကြည့်ကာ ဘဲဥပြုတ် မာမာများနဲ့ထမင်းခြောက်များကိုစားခဲ့တာ၊ ခတ်မန္ဒူမှာ ဗုဒ္ဓဘာသာ ဘုန်းကြီးကျောင်းများနဲ့ဟိန္ဒူဘုရားကျောင်းများ ကို လျှောက်သွားခဲ့ပြီးနောက် အမေရိကန် မြေပဲချော ကလက်များကြောင့်ထင်ရှားတဲ့ ကော်ဖီဆိုင်ကလေးမှာ အဆုံးသတ်ခဲ့တာ၊ အပျော်စီးဖောင်နဲ့ ခရီးမြန် နှင်ခဲ့တာ၊ ချုံရိုင်းများမှခူးဆွတ်ခဲ့တဲ့ ကုလားဆီးဖြူသီးချဉ်ချဉ်တွေမြုံ့ရင်း ဆင်ကျောကုန်းပေါ်ကကျား ကိုကြည့်ခဲ့တာ၊ အိန္ဒိယနိုင်ငံရဲအရှေ့မြောက်ရှေ့တန်းဒေသမှာ တိဘက်ဘုန်းကြီးများရဲ့ 

ညှို့ဆွဲဖမ်းစား တဲ့ ခြေလှမ်းများဖြင့်ကပြတဲ့ သေမင်းတမန်အက သရုပ်ဆောင်ဖျော်ဖြေမှုကို ကြည့်ခဲ့တာတွေပေါ့။

ဆွစ်ရေကန်ကိုအပေါ်စီးမှကြည့်ရင်း ရဲတိုက်ထဲမှာ လဘက်ရည်အတွက် နှင်းဆီသီးယိုကို နေ့စဉ် အသားပေးထားတဲ့ အရသာရှိအစားအစာကို ပျော်ရွှင်စွာ စားသုံးခဲ့ကြပါတယ်။  အင်္ဂလဲန်ရဲ့ရေ ကြောင်းအတွင်း ကွေ့ကောက်သွားလာနေတဲ့ တူးမြောင်းသွားလှေပေါ်မှာ မိသားစုခွေးကလေးကို

ပေါင်းမိုးပေါ်တင်ကာ ပကတိတည်ငြိမ်နေတဲ့ စိမ်းလန်းမြင်ကွင်းများကို ခြုံသိုင်းကြည့်ခဲ့ပါတယ်။

ကျယ်ပြန့်ပြန့် စကော့တလဲန်ရဲ့ ညိုမှိုင်းမှိုင်းသမုဒ္ဒရာရှိ ဖျံအချို့ကစားရာ ‘တိုင်ရီး’ကျွန်းရဲ့ သဲလွင်ပြင် များပေါ်မှာ စခန်းချခဲ့ကြပါတယ်။

ရုပ်လွှာပုံရိပ်များဟာ အရောင်သွေးစုံစွာစိတ်ဝင်စားနှစ်သက်ဘွယ်များနဲ့ပြည်ဝလျက် အံမခန်းပါပဲ။ ဒါပေမင့် တခုချင်းစီမှာတော့ စိတ်ကူးယဉ်ဆန်ဆန်အရည်အသွေးများရှိနေပါတယ်။

ဒါကြောင့်လဲ ဇွန်လထဲကျရောက်မဲ့ ကျွန်မရဲ့မွေးနေ့ကိုရောက်လာတဲ့ ကျွန်မသား မောင်ထိန်လင်း (ကင်းမ်)က ကျွန်မကို အားလပ်ရက်အဖြစ်ခရီးထွက်မယ်လို့ပြောတော့ စိတ်ကူးယဉ်ဆန်ဆန် အဆို ပြုတာပဲလို့ ကျွန်မအထင်ရောက်သွားတာ အံ့သြစရာမဟုတ်တော့ပါ။ ဒါပေမင့် ဆွေးနွေးတိုင်ပင်မှုနဲ့ စဉ်းစားတာအချို့အပြီး အနှစ်နှစ်ဆယ်ကျော်အကြာမှာ ပထမဦးဆုံးအကြိမ် အချိန်တိုအားလပ်ရက် အဖြစ် ကျွန်မဆုံးဖြတ်တာဟာ အဓိပ္ပါယ်မဲ့ မဟုတ်ပါ။

ဒါကြောင့် ကျွန်မတို့ အစီအစဉ်များရေးဆွဲကြခဲ့ပါတယ်။ မုတ်သုန်ရာသီရဲ့ အင်အားပြည့်ရွာသွန်းနေ

ချိန်မှာ နိုင်ငံရဲ့ အလယ်ပိုင်းဒေသ　“အပူပိုင်းဇုံ”ကို ရွေးချယ်လိုက်တာ လက်တွေ့ကျခဲ့ပါတယ်။ ၁၉ ရာစုနှောင်း ပိုင်းတုန်းက အင်္ဂလိပ်တပ်များ မြန်မာနိုင်ငံရဲ့နောက်ဆုံး ဘုရင်ကိုဖမ်းသွားခဲ့တဲ့ မန္တလေး မြို့ရှိပါတယ်။ သို့မဟုတ် ပုဂံမြို့လဲရှိပါတယ်။ ရှေးဟောင်းမြို့တော်ဟောင်းပါ။ ပုဂံမှာ ဘုရားစေတီတွေ ထောင်ပေါင်းများစွာရှိနေပြီး ကြာရှည်စွာမှေးမှိန်နေတဲ့ ဂုဏ်ရောင်ဆောင်ခဲ့မှုအတွက် ကျန်ရစ်နေတဲ့ သက်သေပါ။ ပုဂံဟာ ထူးကဲတဲ့ဆောက်လုပ်မှု စွမ်းအင်ဖော်ပြချက်နောက်ကွယ်မှ တွန်းအားကို အ သည်းတယား မေးခွန်းများထုတ်စရာဖြစ်နေပါတယ်။ ပုဂံဟာ ဘာသာရေးကိုင်းရှိုင်းမှုလား၊ ကြွယ်ဝချမ်း သာမှုလား၊ သောမနဿဖြစ်စွာကျက်သရေ ဂုဏ်ဆောင်လား၊ ဒါမှမဟုတ် သုံးခုစလုံးရဲ့ အမျိုးမျိုးပေါင်း စပ်မှုပေလား။

ပုဂံကို ရွေးချယ်ရတာ ကျွန်မတို့အတွက် အခက်အခဲတစုံတရာမရှိခဲ့ပါ။ မြို့တော်ဟောင်းရဲ့ ဘုရား ကျောင်းကန်

စေတီပုထိုးများစွာဟာ ကမ္ဘာလှည့်ခရီးသွားများနဲ့ ဘုရားဖူးများကို ဆွဲဆောင်နေပါတယ်။ ဒါပေမင့် ယခုလိုအချိန်မျိုး မှာတော့ ဧည့်သည်အနည်းငယ်သာရှိတတ်တာမို့ ငြိမ်းအေးခြင်းနဲ့နားနေရမဲ့ နေ့များကို ကျွန်မတို့ခံစားပျော်ရွှင်နိုင် ပါ့မယ်။

ကျွန်မတို့သားအမိအတွက် ဒီတခေါက်ဟာ ပုဂံကိုပထမဦးဆုံးလည်ပတ်မှု ဖြစ်နေမှာမဟုတ်လို့ ဘာသာရေးအဆောက် အဦးများများကို သွားရောက်လည်ပတ်စရာမလိုသေးသဖြင့် ကျွန်မအတွက် ထူးခြားမှုရှိစေမဲ့နေရာအချို့ကိုသာ

ရွေးသွားခဲ့ကြတာပါ။ အရေးကြီးဆုံးအချက်က ကင်မ်နဲ့ကျွန်မနဲ့ ကျွန်မတို့ရဲ့ခွေးလေး ‘တအိချိခို’(မိသားစုရဲ့ အားလပ် ရက်ခရီးအဖြစ်လာမှတော့ ဒီခွေးလေးကို ချန်ထားရစ်ခဲ့ဘို့ မေးစရာမလိုပါ) ပျော်ပျော်ရွှင်ရွှင် သက်တောင့်သက် သာဖြစ်စေနိုင်မဲ့နေရာပဲ ဖြစ်ဘို့ပါပဲ။

ဒီစံပြနေရာလေးကို ကျွန်ုပ်တို့ရဲ့မိတ်ဆွေ ဦးခွန်သာမြင့်က ရှာဖွေတွေ့ရှိခဲ့ပါတယ်။ အာရုံအပြောင်းအ လဲအနည်း ငယ်အဖြစ် ပြောပါရစေ။ ဦးခွန်သာမြင့်ဟာ ဦးဟံသာမြင့်ရဲ့ညီငယ်ပါ။ ဦးဟံသာမြင့်ဟာ  အမျိုးသားဒီမိုကရေစီအဖွဲ့ချုပ် (NLD)ရဲ့ ဗဟိုကော်မီတီဝင်တဦးပါ။ ၁၉၉၀ ခုနှစ်ရွေးကောက်ပွဲမှာ ဘုတလင်မဲဆန္ဒနယ်မြေကနေ အဖွဲ့ချုပ်ကို ကိုယ်စားပြုဝင်ရောက်ယှဉ်ပြိုင်ခဲ့ပါတယ်။ မဲဆန္ဒ ၈၀% အပြတ်အသတ်နဲ့ အရွေးချယ်ခံခဲ့ရပါတယ်။  ကိုဟံသာနဲ့ကိုခွန်သာတို့ဖေဖေနဲ့ကျွန်မဖေဖေတို့ဟာ သူငယ်ချင်းအပေါင်းအသင်းများ ဖြစ်ကြပါတယ်။ ၁၉၃၀ ခုနှစ်အတွင်း ရန်ကုန်တက္ကသိုလ်ကျောင်း သား သမဂ္ဂမှာ နိုင်ငံရေးစတင်လုပ်ကိုင်ရာမှ အပေါင်းအသင်းများဖြစ် လာခဲ့ကြပါတယ်။

ဦးသိန်းဖေမြင့်နဲ့ ကျွန်မရဲ့ဖေဖေတို့ရဲ့ နိုင်ငံရေးဟာ အစဉ် သဟဇာတ မျှတတ်ကြတာမဟုတ်ခဲ့ပါဘူး။ လွတ်လပ်ရေး လှုပ်ရှားမှုရဲ့နောက်ဆုံးအခြအနေအဆင့်အထိ သူတို့ဟာ မိတ်ဆွေအဖြစ်ထက်  သ ဘောထားကွဲလွဲသူများအနေနဲ့ သာ ဖြစ်နေနိုင်ပါတယ်။ ဒါပေမင့် အမြင်မတူမှုများကို လေးစားရေးအ တွက်အမွေနဲ့ မလိုမုန်းထားဘက်လိုက်မှုနဲ့ မကျေချမ်းမှုများမှလွတ်မြောက်ရေးတို့နောက်ကို သူတို့နှစ် ဦးစလုံး လိုက်ခဲ့ကြပါတယ်။ ဒီအချက်ဟာ သူတို့ရဲ့ သားသမီးတွေဖြစ်တဲ့ ကျွန်မတို့ကို အပေါင်းအသင်း နဲ့ရဲဘော်ရဲဘက်များအဖြစ် အဘိုးတန်များ မျှဝေခြင်းဖြင့် အတူတကွလုပ်ကိုင် ချည်နှောင်မိတ်ဖွဲ့စေနိုင်စေပါတယ်။ တဦးကိုတဦး အထင်မသေးကြပဲကြည်နူးပျော်ရွှင်စရာ 

များ မျှဝေပြီးစေနိုင်ခဲ့ပါတယ်။

၂၀၀၉ ခုနှစ်မှာ ကိုခွန်သာက အင်းစိန်ထောင်အတွင်းရှိ ကျွန်မကိုကူညီဘို့လာရောက်တွေ့ဆုံပါတယ်။

ကျွန်မရဲ့အိမ်ကို 

လိုအပ်တဲ့ပြင်ဆင်မှုများ ပြုလုပ်ပေးမဲ့ပိသုကာအဖြစ် ဆောင်ရွက်ပေးဘို့ပါ။ ထောင်မှအိမ်အကျယ်ချုပ်ကိုပြောင်းလိုက်

ရပြီးနောက် အိမ်ပြင်ဘို့အလုပ်စချိန်မှာ ပိသုကာအဖြစ် ကိုခွန်သာနဲ့ အထွေထွေကြီးကြပ်ကွပ်ကဲသူများအဖြစ် ကျွန်မ ခန့်အပ်ထားတဲ့ အခြားမိတ်ဆွေနှစ်ဦးဖြစ်ကြတဲ့ ကို ထင်ကျော်နဲ့ကိုနီတို့လဲ အိမ်ပြင်ဆင်မှုများပြီးမြောက်မဲ့ လိုအပ်ချက် များအတွက် လပေါင်းများစွာ နေ့စဉ် အိမ်ကိုလာခဲ့ကြပါတယ်။ ကိုထင်ကျော်နဲ့ကိုနီတို့ဟာလဲ ရန်ကုန်တက္ကသိုလ်မှာ တဦးနဲ့တဦးရင်းနှီးးခဲ့ကြ တဲ့ သက်ဆိုင်ရာဖခင်များမှ ဆက်နွယ်သိကျွမ်းခဲ့ကြတာပါ။ နောင်တချိန်မှာ သားများ၊ ဘခင် များ(မိခင် များ) အကြောင်းကိုရေးသားပါဦးမယ်။ ယခုအချိန်မှာတော့ လူကြီးများရဲ့ရင်းနှီးခဲ့မှုများကြောင့် ကျွန်မ မှာ အထောက်အပံ့၊ အကူအညီနဲ့ မိတ်ဆွေများကို ဆုလာဘ်အဖြစ်ခံစားခဲ့ရပါတယ်။

ကျွန်မရဲ့ပိသုကာအဖြစ် စတင်ဆောင်ရွက်ပေးခဲ့သူ ကိုခွန်သာဟာ လုံခြုံရေးအရာရှိ၊ ခွေးထိန်း၊ အရေး ပေါ်ယာဉ်

မောင်း အဖြစ်အပြင် လွန်ခဲ့တဲ့နှစ်ပတ်အတွင်း ခရီးသွားကိုယ်စားလှယ်နဲ့ အားလပ်ရက်ခရီး စီစဉ်သူအဖြစ် ကျေးဇူးပြု ကူညီလုပ်ဆောင်ပေးခဲ့ပါတယ်။ ၁၆ ဦးပါကျွန်မတို့အဖွဲ့အတွက် ပုဂံဟော် တယ်ကို ကိုခွန်သာရဲ့ရွေးချယ်မှုဟာ ပိုမိုပျော်ရွှင်ဘွယ်ရာသာမဟုတ်နိုင်ခဲ့ပါ။ အထင်ရှားဆုံး သမိုင်းဝင် ဘာသာရေးအဆောက်အဦးအချို့ကို သွားရေး လာရေးလွယ်ကူစေနိုင်တဲ့ နေရာအတွင်းမှာရှိနေပါ တယ်။ သက်တောင့်သက်သာနဲ့ လှပတဲ့နေရာပါ။ အားလုံးရဲ့အရေးကြီးဆုံးကတော့ ဝန်ထမ်းများဟာ ယဉ်ကျေးရည်မွန်ကြပါတယ်၊ ကောင်းစွာကျွမ်းကျင်ကြပါတယ်၊ ဧည့်သည်များက မိမိတို့ကိုအမှန်တ ကယ် ရင်းနှီးချစ်ခင်စွာ ကြိုဆိုခြင်းခံရတယ်လို့ ခံစားစေနိုင်တဲ့ အထူးအရည် အချင်းကိုပိုင်ဆိုင်ကြပါ တယ်။

ဒေါ်အောင်ဆန်းစုကြည်

(၂၀၁၁ ဇူလိုင် ၁၉ ရက်နေ့ထုတ် ဂျပန်နိုင်ငံ မိုင်အိနိချိနေ့စဉ်သတင်းစာတွင် ဖော်ပြထားတဲ့ ဒေါ်အောင်ဆန်း စုကြည်ရဲ့Letter From Burma: Holiday-1- ကိုဘာသာပြန်ပါတယ်။)

မောင်မောင်လှကြိုင်

 ၂၀၁၁-ဇူလိုင် ၂၁

(မြန်မာပြည်မှပေးစာ) တိရစ္ဆာန်တို့အကြောင်း စကားလက်ဆုံ - ၂ -

 2011-6-26

မြန်မာပြည်မှပေးစာ
တိရစ္ဆာန်တို့အကြောင်း စကားလက်ဆုံ - ၂ -
Aung San Suu Kyi (Mainichi)

(လစဉ် မ်ိုင်အိနိချိ-ကော်လံတွင် ဖော်ပြနေသည့် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ “မြန်မာပြည်မှစာ”ကဏ္ဍ၏ ဆဋ္ဌမ မြောက်ဆောင်းပါးဖြစ်ပါသည်)

၆၆ နှစ်တာကာလ ပရစ်ဇင်မ်ကို ထိုးဖောက်ကြည့်ရခြင်းဟာ လွန်ခဲ့တဲ့အနှစ် ၆၀ သို့မဟုတ် လွန်ခဲ့တဲ့ ၆ နှစ်ကိုတောင် ကြည့်မြင်ခဲ့ရခြင်းနဲ့ ကွာခြားနေပါတယ်။ ဘာကြောင့်လဲဆိုရင် ဒီ ယှက်နွယ်နေတဲ့ ကာလအတွင်းမှာ ကမ္ဘာကြီးနဲ့ကျွန်မဟာ ပြောင်းလဲလာခဲ့လို့ပါ။ လွန်ခဲ့တဲ့ အနှစ် ၆၀ က တိရစ္ဆာန်များနဲ့ ကျွန်မရဲ့ ဆက်နွယ်မှု(ဒီလိုပဲပြောနိုင်ခဲ့မယ်ဆိုရင်)ဟာ ကွာလှမ်း ပါတယ်။ ကျွန်မရဲ့ ကလေးဘဝရဲ့မြင်ကွင်းတစိတ်တပိုင်းဖြစ်တဲ့　စိတ်ဝင်စားစရာမကောင်းတဲ့ ခွေးဗန္ဓတ်များနဲ့ သနားစရာမြင်တွေ့ရတဲ့ လှည်းဆွဲမြင်များအကြောင်းကို ကျွန်မရေးခဲ့ပါတယ်။ ကျွန်မငယ်ရွယ်စဉ်က ရင်းနှီးကျွမ်းဝင်ခဲ့ရတဲ့ တိရစ္ဆာန်လောကရဲ့ အခြားသတ္တဝါတွေကတော့ ငှက်များဖြစ်ကြ ပါတယ်။

အဲဒိအချိန်တုန်းက ရန်ကုန်ဟာမဖွံ့ဖြိုးသေးပါဘူး။ ကျွန်မတို့ဟာ မြေနီနဲ့ ကျောက်ခဲကျိုးများ ခင်းထားတဲ့လမ်းမှာနေခဲ့ကြပါတယ်။ ရှည်တဲ့ဝါးရုံများ၊ ကျွန်မတို့နွားများရဲ့စားကျက်ဖြစ်ခဲ့တဲ့ ရှည်မျောမျော လွင်တီးခေါင် ချိုင့်ကွင်းပြင်မျာ၊ ရေမှော်ရေညှိများရှိနေတဲ့ ရေကန်နဲ့ ပြိုမ ယောင်အုဋ်ခဲနံရံများဖြင့် အနားသတ်ထားပါတယ်။

ကျွန်မတို့အိမ်ရဲ့မျက်နှာချင်းဆိုင်မှာတော့ ဘုန်းတော်ကြီးကျောင်းရှိခဲ့ပါတယ်။ ရိုးရာပုံစံရှိနေတဲ့ သစ်သားအဆောက်အဦးများ၊ ပစ္စလက္ခဖြစ်နေတဲ့မြေကြီးများ၊ ရှေးဟောင်းဗိမာန်များနဲ့ရုပ်ပွား တော်များနဲ့ နက်ရှိုင်းတဲ့တည်ငြိမ်အေးဆေးမှုဟာ လူသာမန်များရဲ့ ပျားပန်းခတ်အလုပ်ရှုပ်နေ တဲ့ကမ္ဘာနဲ့ ခြားနားထားကြောင်းကိုအလေးအနက်ဖော်ပြနေပါတယ်။ ဘုန်းကြီးကျောင်းနဲ့ကျွန် မတို့အိမ် နှစ်ခုစလုံးဟာ တောင်ငယ်လေးများလို့ခေါ်ဆိုလောက်တဲ့ ကုန်းမြင့်တွေပေါ်မှာတည် ရှိနေကြတာကြောင့် ကြားထဲကလမ်းလေးဟာ ကျဉ်းမြောင်းတဲ့တောင်ကြားချိုင့်ဝှမ်းနဲ့တူနေ ပါတယ်။

ကျွန်မတို့ပန်းခြံဟာ ကွဲပြားတဲ့အမြင့် ၃ မျိုးပေါ်မှာဖြန့်ကျက်တည်နေပြီး၊ သစ်ပင်များစွာဟာ ငှက်ပေါင်းစုံရဲ့ စိတ်ဝင်တစားဆွဲဆောင်စရာဘုံအဖြစ် ဖန်တီးပေးထားပါတယ်။ အတွေ့များရ တဲ့ငှက်တွေ ကတော့ ကျီးကန်းများ၊ သာလိကာများ၊ ချိုးများ၊ ခိုများ နဲ့ စာကလေးများဖြစ်ကြ ပါတယ်။

အရေအတွက်များလွန်းလို့ ငှက်အားလုံးကို သတိမထားနိုင်ခဲ့ပါ။ ဒါပေမင့် ညနေပိုင်း ကျီးကန်း များ အိပ်တန်းတက်ဘို့ ပျံသန်းနေတာကိုစောင့်ကြည့်ရခြင်းကို ကျွန်မနှစ်သက်ခဲ့ပါတယ်။ သူတို့အပြန်လမ်း ကောင်းကင်ပြင်မှာ ကြီးမားတဲ့အနက်ရောင် တောင်ပံဖြန့်ကျက် ခြယ်မှုန်း လျက် ကျီးအာသံများ ပြည့်နှက်နေပါတယ်။

ခိုငှက်ကလေးရဲ့ ဆွဲဆွဲငင်ငင်အော်မြည်သံဟာ နွေဦးရဲ့ဂီတသံတစိတ်တပိုင်း ဖြစ်နေခဲ့ပါ တယ်။ ကျွန်မကတော့ ငှက်ကလေးကို ဖြတ်ခနဲတောင် သတိမထားခဲ့ပါဘူး။ ကျွန်မ အထူး တလည် စူးစူးစမ်းစမ်းမရှိခဲ့တာကို အခုအချိန်မှာ ကျွန်မအံ့သြမိပါတယ်။

သစ်ပင်ပေါ်မှာခိုနားနေတဲ့ ကျွန်မတို့ကိုဂုဏ်ထယ်စွာ မဟာဆန်ဆန်ကြည့်နေတဲ့ ကြက်တူရွေး ကလေးကို စိတ်ဝင်စားမိတာ ကျွန်မ အမှတ်ရမိပါတယ်။ ဒါဟာ သူ့ရဲ့တဒင်္ဂတည်ရှိမှုပါပဲ။

တနေ့မှာ နေ့ခင်းကြောင်တောင်ကြီး ဇီးကွက်တကောင် သစ်ပင်ကပြုတ်ကျခဲ့ပါတယ်။ ဥယျဉ် မှူးက ကျွန်မတို့ကြည့်ဘို့ကောက်ပြခဲ့ပါတယ်။ အံ့သြထိတ်လန့်နေတဲ့ကျွန်မမျက်နှာကို ဇီးကွက် ကလေးက အိပ်ချင်မူးတူးမျက်စိနဲ့ ပေကလပ်ပေကလပ် ကြည့်နေခဲ့ပါတယ်။

ကျွန်မတို့လမ်းထိပ်မှာ ၁၉ ရာစုအိန္ဒိယပုံစံ အိမ်အိုတဆောင်ရှိခဲ့ပါတယ်။ မှေးမှိန်အားပျော့လာ တဲ့ ဒီအိမ်ရဲ့ ခန့်ညားထယ်ဝါမှုနဲ့ ဖြစ်သလိုပြန့်ကျဲနေတဲ့စွန့်ပစ်ခံခြံတို့ရဲ့ လွမ်းဆွတ်မှုကို မရေ ရာတဲ့ ပိုင်ရှင်မဲ့မှုက ပိုမိုစေခဲ့ပါတယ်။ ပိုင်ရှင်တွေဟာ အိန္ဒိယနွယ်လူချမ်းသာများဖြစ်ကြောင်း၊ ဒုတိယကမ္ဘာစစ်မြန်မာပြည်ကို ရောက်လာလို့ ထွက်ပြေးသွားကြောင်း ကျွန်မတို့သိထားခဲ့ပါ တယ်။

အိမ်စောင့်များလက်ထဲကို ပိုင်ရှင်တွေက တနည်းနည်းနဲ့ စီစဉ်အပ်နှံခဲ့ပါတယ်။ စစ်ကာလ အတွင်း အိမ်စောင့်များက တလျှောက်လုံး ကြည့်ရှုစောင့်ရှောက်ပေးလျက်၊ သူတို့ရဲ့အလုပ်ရှင် များ ဘယ်တော့မှပြန်မလာလဲ သစ္စာရှိရှိနဲ့သူတို့အလုပ်မှာ ဆက်လက်ထမ်းဆောင်နေကြပါ တယ်။

ကျွန်မမှတ်မိတဲ့ ဒီအိမ်စောင့်များဖြစ်ကြတဲ့ ဒိုတီဝတ်အရပ်ရှည်ရှည် အိန္ဒိယနွယ်ဘွားများက တော့ ကျွန်မတို့ကိုသူတို့ရဲ့ပန်းခြံထဲ ရှားရှားပါးပါလည်ခွင့်ပြုခဲ့ဘူးပါတယ်။ အစောင့်အရှောက် ခံမဲ့သစ်ရွက်အရှုပ်အထွေးတွေကြားမှာ ရေပန်းနှစ်ခုနဲ့ ကြီးမားတဲ့ အညိုရောင်ကျောက်ရေကန် ကြီးများရှိခဲ့ပါတယ်။ နှစ်ခုစလုံးဟာ လုံးလုံးခြောက်သွေ့နေလင့်ကစား သူတို့ရဲ့ခန့်ညားထယ် ဝါမှုဟာ ကျွန်မကို အံ့သြစေခဲ့ပါတယ်။

လျှို့ဝှက်ဆန်းကြယ်တဲ့ဒီဗိမာန်ရဲ့ ကျက်သရေကိုဆောင်နေတာကတော့ သူတို့အိပ်တန်းမှာ နားနေတဲ့ ကြီးမားတဲ့ကတ္တဝါကြီး နှစ်ကောင်ဖြစ်ကြပါတယ်။ သူတို့ရဲ့ ပြိုးပြိုးပြက်ပြက်လွင် နေတဲ့အရောင်များဖြင့် အထီးကျန်ပန်းခြံကို တောက်ပနေစေခဲ့ပါတယ်။ သူတို့ဟာ ရန်ကုန် တိရစ္ဆာန်ရုံပြင်ပမှာတွေ့ရတဲ့ အရောင်အသွေးအစုံစုံနဲ့စွဲမက်နှစ်သက်ဘွယ် တိုင်းတပါးမှလာ တဲ့ သတ္တဝါများဖြစ်ကြပါတယ်။

အဲဒီအချိန်တွေတုန်းက တိရစ္ဆာန်ရုံကို စိတ်အပန်းဖြေအလည်အပတ်သွားရတာက အလွန်ထူး တဲ့ ပြုမူချက်ပါ။ တိရစ္ဆာန်ရုံဟာ ကျွန်မတို့အိမ်နဲ့ မဝေးလှပါ။ ခြင်္သေ့များရဲ့ဟိန်းဟောက်သံတွေ ကို ဆည်းဆာချိန်ရဲ့တိတ်ဆိတ်မှုကိုကျော်လွန်ပြီး ကြားနိုင်ခဲ့ရပါတယ်။ ညနေတိုင်းမှာ ဘာ ကြောင့် ခြင်္သေ့တွေ ဟိန်းကြရတာလဲလို့ လူကြီးများကို ကျွန်မမေးခဲ့ပါတယ်။ အစာကျွေးချိန်ကို သတိပေးတာလို့ တချို့က ဖြေကြပါတယ်။ တောထဲက သူတို့ ဌာနေကိုလွမ်းကြလို့ သတ္တဝါ ကြီးများက ငိုတာပါလို့ တချို့ကတော့ ဖြေခဲ့ကြပါတယ်။ တိရစ္ဆာန်ရုံထဲကလှောင်အိမ်တွေထဲမှာ ဒီတိရစ္ဆာန်များကို ကျွန်မမြင်ရတဲ့အခါ သူတို့ရဲ့အငြိမ်မ နေ လှုပ်ရှားမှုများကို သဘောပေါက်သွားခဲ့ပါတယ်။ သူတို့ရဲ့ ပင်ပန်းနွမ်းနယ်နေတဲ့ခြေလှမ်း များဟာ ဝေးကွာနေတဲ့သိူတို့ရဲ့ဌာနေများကို လွမ်းမောတမ်းတခြင်းနဲ့ ဆက်နွယ်နေမှာပါလား လို့လဲ တွေးထင်မိခဲ့ပါတယ်။

မြန်မာ့ဝေဒအယူအရ အင်္ဂါဖွား ကျွန်မဟာ ခြင်္သေ့ဖြစ်တဲ့အတွက် ခြင်္သေ့ကြီးများကိုအထူး မျှဝေစာနာခဲ့တာပါ။

မျောက်များဟာလဲ အလားတူ အခြားကြောင်းအရာတခုပါ။ လာလည်ပတ်သူများအကြား ထင်ရှားတဲ့ “မျောက်ရွာ”ဟာ ကျွန်မစိတ်ကို မချမ်းမြေ့စေခဲ့ပါ။ ကျွန်မရဲ့မျက်စိထဲမတော့ မျောက်များဟာ မဖော်ရွေသလို မပျော်ရွှင်နေသလို ဖြစ်နေတာမြင်တွေ့နေခဲ့ရပါတယ်။ သူတို့ မျက်စိများဟာ ယုတ်မာမှုများနဲ့တောက်ပနေတယ်လို့ထင်ခဲ့ရပါတယ်။ သူတို့ရဲ့ ဟာသလုပ်ရပ် တွေအပေါ် ရယ်မောနေကြတဲ့သူများကို သူတို့ရဲ့ပါးစပ်များကလှေင်ပြောင်နေကြပါတယ်။ သူတို့ကိုပစ်ပေးတဲ့ မြေပဲနဲ့အစားအစာများကို ရှုံ့မဲ့တဲ့မျက်နှားများဖြင့် ကျွမ်းကျင်စွာ ဖမ်းယူခဲ့ ကြပါတယ်။

ဒါဟာ ဆင်များနဲ့ လုံးဝ မတူတာပါပဲ။ ပေးကမ်းလာတဲ့ငှက်ပြောသီးများနဲ့ ဘန်းပေါင်မုန့်များကို ကျေနပ်နှစ်သက်တဲ့မျက်နှာကြီးများနဲ့ နှာမောင်းရဲ့ညှိုးလျလျလှုပ်ရှားမှုများဖြင့် ဆင်များက လက်ခံယူကြပါတယ်။ ဒါကို ကျေးဇူးတင်ကြောင်းကို ကျက်သရေရှိစွာ အလေးပြုခြင်းလို့ ကျွန်မက အဓိပ္ပါယ်ဖွင့်ဆိုခဲ့ပါတယ်။ ကျွန်မ ကြီးကောင်ဝင်လာပြီးနောက် တိရစ္ဆာန်ရုံကို နှစ်ခေါက်သာ အလည်အပတ်သွားခဲ့ပါ တယ်။ တကြိမ်ကတော့ နိပေါမှာနဲ့ နောက်တခါကတော့ လန်ဒန်မှာပါ။ နေ့လည်ပိုင်းမှာအားလပ်နေလို့၊ အရောက်အပေါက်ခက်ခဲလွန်းတဲ့ ဟိမဝန္တာမှာရှိ တိရစ္ဆာန်ရုံ ဖြစ်နေလို့ မိုက်ကယ်နဲ့ကျွန်မတို့ ခတ်မန္ဒူ အိမ်မွေးတိရစ္ဆာန်ရုံကိုသွားရောက်ခဲ့ပါတယ်။ ဒီနေရာ ဟာ စိတ်မကောင်းဘွယ်၊ စိတ်အားငယ်စရာအသွင်ဆောင်နေကြတဲ့ တိရစ္ဆာန်များရှိနေတဲ့ ဖုံထူတဲ့နေရာဖြစ်နေပါတယ်။ ခြင်္သေ့များဟာ များသောအားဖြင့် ခွေးသားကိုစားနေကြရတာ ဖြစ်လို့ သက်ရှိခွေးရဲ့အနံ့ ကို ရသွားရင် သူတို့အဘို့ စိတ်ကြွစရာဖြစ်စေနိုင်လို့ ကျွန်မတို့ရဲ့ ဘူတန်တယ်ရီယာခွေးလေးကို ဝင်ပေါက်အပြင်မှာထားရစ်ခဲ့ရန် အကြံပေးခံခဲ့ရပါတယ်။ ဒါ ဟာ နောက်ထပ်ပြန်မဖြစ်ပေါ်ရဘို့ ဘိတ်ခေါ်တဲ့ အတွေ့အကြုံတခုဖြစ်ပါတယ်။

နောက်တခါနဲ့နောက်ဆုံးအကြိမ် တိရစ္ဆာန်ရုံသွားလည်ခဲ့တာကတော့ နောက်နှစ်အနည်းငယ် အကြာမှာ ကျွန်မသား အလက်ဇန္ဒရားကို “ဝစ်ပ်စနိတ်”တိရစ္ဆာန်ရုံကို ခေါ်သွားခဲ့တဲ့အချိန်ဖြစ် ပါတယ်။ ခတ်မန္ဒူတိရစ္ဆာန်ရုံထက်စာရင်တော့ လှလှပပရှိပါတယ်။ ဒါပေမင့် လှောင်ထားခံနေ ရတဲ့တိရစ္ဆာန်များကို မြင်တွေ့ရတဲ့ ခံစားမှုရသ က ကျွန်မမှာပျောက်ဆုံးနေတာကို ကျွန်မ တွေ့ရပါတယ်။ တိရစ္ဆာန်များကမပြောင်းလဲခဲ့ပါဘူး။ ဖမ်းချုပ်လှောင်အိမ်သွင်းခြင်းနဲ့ လူသား ကြီးစိုးလွှမ်းမိုးမှု အပေါ်ထားရှိတဲ့ ကျွန်မရဲ့သဘောထားကသာ ပြောင်းလဲခဲ့တာပါ။

တိရစ္ဆာန်များနဲ့လူသားတို့ဆက်ဆံရေး အပေါ် ထားရှိခဲ့တဲ့ကျွန်မရဲ့သဘောထားအမြင်ဟာ ပြောင်းလဲသွား

လိမ့်မယ်လို့ အဲဒီ အချိန်က ကျွန်မနားမလည်ခဲ့ပါ။ ကျွန်မ မြော်လင့်မထားခဲ့တဲ့ ပုံစံတွေနဲ့ ကျွန်မရဲ့ပတ်

ဝန်းကျင်ကမ္ဘာဟာလဲ ပြောင်းလဲသွားခဲ့မယ်ဆိုတာကို ပိုလို့တောင် နားမလည်ခဲ့ပါ။

ဒေါ်အောင်ဆန်းစုကြည်

ဇွန်လ ၂၅၊ ၂၀၁၁

မိုင်အိနိချိသတင်းစာ၊ ဂျပန်

(၂၀၁၁၊ ဇွန်လ ၂၅ ရက်ထုတ် ဂျပန်နိုင်ငံ မိုင်အိနိချိသတင်းစာပါ ဒေါ်အောင်ဆန်းစုကြည်ရဲ့ Animal talk (2) ကို ဘာသာပြန်ပါသည်။)

မောင်မောင်လှကြိုင်

၂၀၁၁-၀၆-၂၆

ဆောင်းပါးပေးပို့လာသောဆရာမောင်မောင်လှကြိုင်အားကျေးဇူးတင်ရှိပါသည်။