၂၀၁၁-၃-၂၈ VOA
မြန်မာနိုင်ငံအပေါ် စီးပွားရေးအရ အရေးယူ ဒဏ်ခတ်မှုတွေကို ရုပ်သိမ်းပေးကြဖို့ မြန်မာနိုင်ငံတွင်း တိုက်တွန်းမှုတချို့ ရှိနေပေမဲ့ စစ်မှန်တဲ့ နိုင်ငံရေး ပြောင်းလဲမှုတွေ မတွေ့ရမချင်း မြန်မာနိုင်ငံအပေါ် အရေးယူ ပိတ်ဆို့မှုတွေ ဆက်ထားရှိမှာ ဖြစ်တယ်လို့ အမေရိကန် နိုင်ငံခြားရေးဌာနက ပြောပါတယ်။ အပြည့်အစုံကို စုံစမ်းမေးမြန်းထားတဲ့ ကိုသားညွန့်ဦးက တင်ပြပေးထားပါတယ်။
မြန်မာနိုင်ငံ ရန်ကုန်မြို့က အမေရိကန်သံရုံး ယာယီတာဝန်ခံနဲ့ ဒီမိုကရေစီပါတီအချို့ မနေ့က တွေ့ဆုံဆွေးနွေးခဲ့ပြီး ပိတ်ဆို့အရေးယူမှု ကိစ္စတွေကို ဆွေးနွေးခဲ့ပါတယ်။ ဒါပေမဲ့လည်း အမေရိကန် ပြည်ထောင်စု အနေနဲ့ကတော့ မြန်မာနိုင်ငံအပေါ် အရေးယူ ဒဏ်ခတ်မှုတွေကို ဆက်လုပ်သွားမှာ ဖြစ်တယ်လို့ နိုင်ငံခြားရေးဌာနက ပြောပါတယ်။
ပြီးခဲ့တဲ့အပတ် သောကြာနေ့ ပြည်ထောင်စုလွှတ်တော်အတွင်း နိုင်ငံတကာရဲ့ စီးပွားရေး ပိတ်ဆို့မှုတွေနဲ့ ပတ်သက်လို့ ဆွေးနွေးခဲ့ကြပြီး ဒီပိတ်ဆို့မှုတွေဟာ အများပြည်သူတွေနဲ့ တိုင်းပြည် စီးပွားရေးကို ထိခိုက်စေတယ်ဆိုပြီး ပြည်ထောင်စုလွှတ်တော်က ဒီပိတ်ဆို့မှုတွေကို ကန့်ကွက်ကြောင်း ဆုံးဖြတ်ခဲ့ကြပါတယ်။ လွှတ်တော်ရဲ့ ဒီဆုံးဖြတ်ချက်ဟာ ပိတ်ဆို့အရေးယူမှု လုပ်ထားတဲ့ ကာယကံရှင် နိုင်ငံတွေ အပေါ်မှာတော့ သြဇာသက်ရောက်နိုင်မယ့် အခြေအနေ မရှိပါဘူး။
