တရားဥပဒေ စိုးမိုးရေးနိုင်ငံတနိုင်ငံမှာ အရေးကြီးကြောင်း ဒေါ်အောင်ဆန်းစုကြည်ပြောကြား

တရားဥပဒေ စိုးမိုးရေးအကြောင်း ခဏခဏပြောနေတာကို ငြီးငွေ့ကြမလား မသိပါဘူး။ ဒါပေမဲ့လည်း ပြောရမှာပါပဲ။ အစားအစာ နေ့တိုင်းနေ့တိုင်း စားရတာ ငြီးငွေ့တယ်ဆိုပြီး ရပ်ထားရင် ကိုယ့်ခန္ဓာအတွက် အန္တရာယ်ရှိသလို၊ တရားဥပဒေစိုးမိုးရေးကို နိစ္စဓူဝ၊ မလွှဲမရှောင်နိုင်တဲ့ ကိစ္စရပ် ရယ်လို့ မယူဆဘဲ၊ဘေးဖယ်၊ လစ်လျူရှုထားမယ်ဆိုရင် လူ့အသိုင်းအ၀ိုင်းအတွက် များစွာမှ အန္တရာယ်ရှိမှာပါ။ နိုင်ငံတစ်နိုင်ငံ တည်ငြိမ်အေးချမ...်းရေးအတွက်၊ တရားဥပဒေစိုးမိုးရေး လိုအပ်ပါတယ်။ ရိုးရိုးလေးပြောရမယ်ဆိုရင်၊ ပြည်သူ-ပြည်သားများဟာ မိမိတို့ အသက်အိုးအိမ်အတွက် အခြေခံလုံခြုံမှုမရှိဘူးဆိုရင်၊ ညီညွတ်ရေးအတွက် အဓိကဖြစ်တဲ့၊ မတူကွဲပြားမှုများကို ညှိနှိုင်းတိုင်ပင်ဆွေးနွေးပြီး၊ တူညီတဲ့ရည်မှန်းချက်တွေ အပေါ် အခြေခံတဲ့လမ်းစဉ်ချမှတ်နိုင်ဖို့ အင်မတန်မှ ခက်ခဲပါလိမ့်မယ်။ အမျိုးသားဒီမိုကရေစီ အဖွဲ့ချုပ်လို အကြမ်းမဖက်တဲ့ နိုင်ငံရေးကို ခိုင်ခိုင်မာမာ ဆုပ်ကိုင်ထားတဲ့ အဖွဲ့တစ်ခုအတွက် တရာဥပဒေစိုးမိုးရေးဟာ အထူးအရေးကြီးပါတယ်။ တရားဥပဒေစိုးမိုးရေးရဲ့ သဘောသဘာဝအရ၊ မည်သူမျှ ဥပဒေအထက်မှာ မရှိရပါဘူး။ နိုင်ငံခေါင်းဆောင်အပါအ၀င် အစိုးရအဖွဲ့တစ်ခုလုံးမှစပြီး သာမန်ပြည်သူများအားလုံးဟာ ဥပဒေရဲ့ ကာကွယ်မှုကို ရရှိပိုင်ခွင့် ရှိသလို၊ ဥပဒေရဲ့ ကန့်သတ်မှုတွေကိုလည်း လက်ခံရမှာဖြစ်ပါတယ်။ အာဏာရှိသူတွေက အာဏာစက်သုံးပြီး အနိုင်ကျင့်တာကို ခွင့်မပြုသလို၊ ပြည်သူတွေထဲကလည်း လူအင်အားသုံးပြီး အကြမ်းဖက်လုပ်ရပ်တွေကို လုပ်ပိုင်ခွင့်မပေးထားပါဘူး။ အကြမ်းမဖက် လမ်းစဉ်ကို နှစ်သက်ကြတဲ့၊ ငြိမ်းချမ်းရေးကို မြတ်နိုးကြတဲ့၊ ပြည်သူပြည်သားတွေ အတွက် ဘ၀    အာမခံချက်ပေးတာကတော့ တရားဥပဒေစိုးမိုးရေးပါပဲ။ နိုင်ငံတစ်နိုင်ငံမှာ တရားဥပဒေစိုးမိုးရေးရှိဖို့ဆိုရင်၊ အုပ်ချုပ်ရေးမဏ္ဍိုင်၊ ဥပဒေပြုရေးမဏ္ဍိုင်နဲ့ တရားရေးမဏ္ဍိုင်များအကြား ချိန်ခွင်လျှာညီမျှမှုရှိတဲ့အပြင်၊ တာဝန်သိ၊ လွတ်လပ်တဲ့ သတင်း အသိုင်းအ၀ိုင်းနဲ့ နိုးကြားတက်ကြွ၊ တာဝန်သိ၊ တာဝန်ယူစိတ်ရှိတဲ့ ပြည်သူလူထု လိုအပ်ပါတယ်။ အဖွဲ့အစည်း အသီးသီးဟာ၊ မိမိတို့ရဲ့ တာဝန်တွေ ကျေပွန်ရေးကိုအဓိကထားမယ်ဆို၊  တရားခံရှာချင်တဲ့စိတ်ဓာတ်၊ အခြားသူတွေကိုသာ အပြစ်ဖို့ချင်တဲ့ စိတ်ဓာတ်တွေကို ဖယ်ရှားမယ်             ဆိုရင်၊ ကျွန်မတို့နိုင်ငံမှာ တရားဥပဒေစိုးမိုးရေးနဲ့ အေးချမ်းသာယာရေး အရှိန်အဟုတ်မြင့် မားလာပြီး၊ ပြည်သူပြည်သားတွေရဲ့ ဘ၀တွေ လုံခြုံလာမှာပါ။ အကြမ်းဖက်မှုတွေရဲ့ တရားခံတွေကို၊ ကူညီမစသူတွေကို ရန်ပြုတာ၊ ဝေဖန်ကြတာတွေလည်းရှိနိုင်ပါတယ်။ ဒါကိုမမှုပဲ လုပ်သင့်တာတွေကို ဆက်လုပ်သွားကြရမှာပါ။ အကြမ်းမဖက်တဲ့နည်းလမ်းမသုံးပဲပြဿနာတွေကို ဖြေရှင်းနိုင်တာ လူယဉ်ကျေးတွေရဲ့ အရည်အချင်းတစ်ခုပါပဲ။ ကျွန်မတို့ ပုထုစဉ်လူသားများဟာ ယခုထိတော့ ပြည့်စုံစွာ ယဉ်ကျေးသိမ်မွေ့ခြင်းမရှိသေးလို့ ဒီကမ္ဘာကြီးမှာ အကြမ်းဖက်မှုတွေ မပပျောက်သေးတာလို့ပဲ ယူဆရပါတယ်။ ယဉ်ကျေးဖို့ဆိုတာကတော့ ယဉ်ကျေးချင်တဲ့ ဆန္ဒကစရမှာပါ။ မယဉ်ကျေးချင်ကြဘူးလား။ အဆိုတစ်ခုရှိပါတယ်။ ယဉ်ကျေးသိမ်မွေ့ရတာ တစ်ပြားတစ်ချပ်မှ မကုန်ပါဘူး။ ယဉ်ကျေးသိမ်မွေ့ လိုက်စမ်းပါ။ ကျွန်မတို့ပြည်သူတွေ ယဉ်ကျေးကြစေချင်ပါတယ်။ လူသားတစ်ယောက်ရဲ့ သိက္ခာဟာ မိမိရဲ့ယဉ်ကျေးနိုင်စွမ်းနဲ့ အများကြီးဆိုင်ပါတယ်။ ကမ္ဘာ့ယဉ်ကျေးမှုများစွာကို လေ့လာခွင့် ရခဲ့ရာမှာ လူမျိုး၊ ဘာသာအရ၊ ချစ်စဖွယ် အပြောအဆို၊ အပြုအမူလေးတွေ ရှိကြပါတယ်။ကြောက်စရာ၊ စက်ဆုပ်စရာတွေလည်း ရှိပါတယ်။ ဘယ်ဟာတွေကို ရွေးမလဲဆိုတာ တစ်ဦးတစ်ယောက်ချင်းရဲ့   ရွေးချယ်မှုဖြစ်ပေမဲ့ အများပေါင်းလိုက်တော့ လူမျိုးတစ်မျိုး၊ နိုင်ငံတစ်နိုင်ငံ ရဲ့ ပုံရိပ်ဖြစ်သွားပါတယ်။ ဒါ့ကြောင့် ကျွန်မတို့ တစ်ယောက်ချင်းရဲ့ အပြုအမူ၊ အပြောအဆိုတွေဟာ ကျွန်မတို့ နိုင်ငံအပေါ် ကမ္ဘာက မြင်ပုံအပေါ် သက်ရောက်မှုရှိနိုင်ပါတယ်။ မကြာခင်က ကျွန်မ ပဲခူးတိုင်း၊ ဖြူး၊ ကညွတ်ကွင်း ပတ်ဝန်းကျင်ရောက်ခဲ့စဉ်က ဟိန္ဒူဘာသာဝင်အများ နေထိုင်တဲ့ မြို့လေးတွေကို ဖြတ်သွားရပါတယ်။ အမျိုးသမီးတွေဟာ မိမိတို့အစဉ်အလာအရ ဆာရီတွေ ၀တ်ထားပါတယ်။ ဒီဆာရီအဆင်တွေကို ကျွန်မ သိသလိုလို ရှိနေပါတယ်။ အိန္ဒိယမှာ ဒေသအလိုက် ဆာရီအဆင်တွေ ကွဲတတ်ပါတယ်။ ဘယ်ဒေသကလဲဆိုတာ မစဉ်းစားနိုင်တာနဲ့ တစ်နေရာမှာရပ်ပြီး ဘိုးဘွားတွေ အိန္ဒိယဘယ်ဒေသကလာခဲ့လဲဆိုတာ     မေးပါတယ်။ ပထမမေးတဲ့ အမျိုးသမီးတွေက မသိကြပါ။ နည်းနည်းအသက်ကြီးတဲ့တစ်ယောက်ကို လှမ်းခေါ်ပြီးမေးတော့၊ သူကလည်း သိပ်မသေချာတဲ့ အသံနဲ့ “ဘီဟာ” ကထင်ပါတယ်လို့ ပြောပါ          တယ်။ ကျွန်မ စဉ်းစားမိတယ်၊ မျိုးဆက်များစွာ ဒီနိုင်ငံမှာနေခဲ့တော့ မိမိတို့ ဘိုးဘွားတွေရဲ့ ဇာတိမြေကိုတောင် မ မှတ်မိတော့ဘူး။ ဒါပေမဲ့ အစဉ်အလာယဉ်ကျေးမှု၊ ဘာသာစကားတွေတော့ ရှင်သန်အောင် ထိန်းသိမ်းထားနိုင်တယ်။ ဒါဟာ ကျွန်မတို့ နိုင်ငံရဲ့ အောင်မြင်မှု၊ ကျွန်မတို့ပြည်သူပြည်သားတွေရဲ့ သဘောထားကြီး၊ ယဉ်ကျေးသိမ်မွေ့မှုကြောင့်လည်းဖြစ်တယ်၊ ဂုဏ်ယူစရာပါပဲ။ မတူကွဲပြားမှု အမျိုးမျိုးကို ယဉ်ကျေး သိမ့်မွေ့စွာနားလည်၊ လေးစားနိုင်တဲ့နိုင်ငံ   ဖြစ်နိုင်ပါစေ။ ဒီတစ်ပတ်တော့ ဒီမျှသာ။ အောင်ဆန်းစုကြည်