Monday, February 17, 2014

မြန်မာနိုင်ငံတွင် စစ်မှန်သောဒီမိုကရေစီထွန်းကားရေးနှင့် ထာဝရငြိမ်းချမ်းရေးရရှိဖို့  နိုင်ငံရေးဦးဆောင်သူများ သတိကြီးစွာနဲ့  နှိုးကြားဖို့ လိုအပ်


၂၀၁၈-၂-၁၆
လက်ရှိမြန်မာ့နိုင်ငံရေးသည် အန္တရာယ်ကြီးမားလှသော ချောက်ကြီးထဲသို့  ထိုးချနေသောအချိန်ဟု ယူဆနိုင်သည်။နိုင်ငံအတွင်းဖြစ်ပေါ်နေသော ဘာသာရေး အမျိုးသားရေး နိုင်ငံရေး လူမှုရေးနှင့်
ဥပဒေစိုးမိုးရေးတို့ ကို အကြမ်းဖက်လမ်းသို့  ကူးပြောင်းရန် လူတစ်စုကဖန်တည်းနေကြသည်။
ဘာသာရေး ပဋိပက္ခ၊လူမျိုးရေး ပဋိပက္ခများ ဖြစ်ပေါ်လာနေပြီး တိုင်းပြည်မငြိမ်မသက်ဖြစ်အောင် အာဏာရှင်များက ပြုလုပ်နေသည်။

တိုင်းပြည်သည် သယံဇာတကြွယ်ဝပါလျှက်နဲ့  ပြည်သူအများက ဆင်းရဲနေရပြီး ပညာရေးနိမ့်ကျမှု
ကြာင့် အသိညာဏ်အားနည်းပါးနေပြီး အာဏာရှင် ခေတ်အဆက်ဆက်၏ စနစ်ဆိုးကြီးကြောင့် နိုင်ငံတကာနှင့်ယှဉ်လျှင် နောက်ကျခဲ့ရသည်။အာဏာရှင် သက်စိုးရှည်ခဲ့သောကြောင့် နိုင်ငံရေး၊
စီးပွားရေး၊လူမှုရေး၊ပညာရေး၊ကျမ်းမာရေး အစရှိသည်တို့ သည် ဘက်ပေါင်းစုံမှနိမ့်ကျဆင်းရဲခဲ့ရ
ပြီး နိုင်ငံနှင့်ပြည်သူများ အဆင်းရဲဆုံးဘ၀ရောက်ရှိခဲ့ကြလေသည်။

မြန်မာနိုင်ငံသည်အချက်အချာကျသော နိုင်ငံတစ်နိုင်ငံဖြစ်သည့်အတွက်ကြောင့် နိုင်ငံတကာ၏စိတ်ဝင်
စားခြင်းကို ခံရသောနိုင်ငံတစ်နိုင်ငံဖြစ်သည်။ အာဏာရှင်စနစ်မှ ဒီမိုကရေစီစနစ်ကိုပြောင်းလဲရာတွင် ပြည်သူများသည် ဖိနှိပ်မှုကိုအများဆုံးခံရသော လူ့ အခွင့်အရေးဆုံးရုံးရသည့် နိုင်ငံဟုထင်ရှားသည်။ပြုပြင်ပြောင်းလဲရေးကာလတွင် အာဏာရှင်အင်အားစုနှင့် ဒီမိုကရေစီအင်အားစုများ အားပြိုင်နေသော အချိန်လာကလည်းဖြစ်သည်။ယနေ့ အချိန်အခါသည် ထိလွယ်လျှလွယ်သောအချိန်ဖြစ်၍ အင်အားစု များအကြား ကြားဝင်သတ်လျှိုသည့် ကိစ္စရပ်များလည်း အဖွဲ့ အစည်းများတွင်ပေါ်ပေါက်နေလေသည်။ဒီမိုကရေစီအဖွဲ့ အစည်းအခြင်းခြင်း စည်းလုံးမှုနည်းပါးနေပြီး မှန်ကန်တဲ့ဒီမိုကရေစီအယူဝါဒ၊အယူအဆ တွေကို အဖွဲ့ အစည်းများတွင် အားနည်းနေသည်ကို တွေ့ မြင်ရသည်။ စစ်မှန်တဲ့ ဒီမိုကရေစီနိုင်ငံ ထူထောင်ရေး၊ဖက်ဒရယ်ပြည်ထောင်စုစနစ်ပေါ်ပေါက်ရေးတွင် အမျိုးသားဒီမိုကရေစီအဖွဲ့ ချုပ်မှ ရှေ့့ တန်းမှဦးဆောင်နေသည်ကိုတွေ့ မြင်ရပြီး၊ ၈၈ ပွင့်လင်းလူမှုအဖွဲ့ စည်းမှလည်း မိမိတို့ ၏ ရွေးချယ်ထား
သောလမ်းကို ခိုင်မာစွာလျှောက်လှမ်းလျှက် ဖော်ဆောင်မှုများလုပ်လာကြသည်။ ၂၀၁၅ သည် အရေးကြီးသော ဒီမိုကရေစီတိုက်ပွဲဖြစ်သည့်အတွက် ပြည်သူများ နိုးကြားလာစေရန် ငြိမ်ချမ်းစွာ အသွင်ကူးပြောင်းနိုင်ရေးအတွက် ယခုအချိန်မှကြိုတင်ပြင်ဆင်မှုများကို ပြုလုပ်ကြရန်လိုအပ်ပေသည်။


တိုင်းရင်းသားအဖွဲ့ အစည်းများအနေဖြင့် ဖက်ဒရယ်ပြည်ထောင်စုဒီမိုကရေစီနိုင်ငံ ထူထောင်နိုင်ရေး၊မိမိ
 တို့၏ အခွင့်အရေးများရရှိရေး၊တန်းတူညီမျှအခွင့်အရေးရရှိရေး၊ကိုယ်ပိုင်ပြထမ်းခွင့်၊ကိုယ်ပိုင်အုပ်ချုပ်
ခွင့်ရရှိရေး စသည်တို့ ကို မိမိတို့ တစ်ဦးခြင်းစီမှ ကြိုးစားကြရမည်ဖြစ်သည်။အာဏာရှင်မှ မတရားသော ဥပဒေများဖြင့် အုပ်ချုပ်ခဲ့သောကြောင့် တိုင်းရင်းသားများ၏ အခွင့်အရေးများဆုံးရုံးခဲ့ရပြီး၊လူ့ အခွင့်ရေး
များ ဆုံးရုံးနေရသည်ကို သိပါလျှက်နှင့် တောင်းဆိုလှုပ်ရှားမှုများ မတွေ့ ရပေ၊ဖက်ဒပြည်ထောင်စု ကိုလိုချင်လျှင်တစ်ဦးခြင်းစီဖြင့်လည်းကောင်း၊အဖွဲ့ အစည်းဖြင့်လည်းကောင်း ထုတ်ဖော်မှုများပြု လုပ်ကြရမည်။နိုင်ငံသားတိုင်းသည် ဖွဲ့ စည်းပုံအခြေခံဥပဒေက ပေးထားသော နိုင်ငံသားအခွင့်အရေး
အရ မိမိတို့ ၏ ဆန္ဒကို ဥပဒေနဲ့ အညီဖော်ထုတ်ပိုင်ခွင့်ရှိသည်။နိုင်ငံရေး၊ လူမှုရေး၊ လူ့ အခွင့်အရေး စသည်တို့ ကို  ဒီမိုကရေစီအင်အားစု များနှင့်ပူးပေါင်း၍ ဖက်ဒရယ်ဒီမိုကရေစီစနစ်ပေါ်ပေါက်လာ
အောင် ကြိုးစားလုပ်ဆောင်ကြရမည်။

မြန်မာနိုင်ငံသည် ဗုဓ္ဒဘာသာထွန်းကားသော နိုင်ငံဖြစ်ပြီး ကမ္ဘာပေါ်တွင်ရှိသည့် ဘာသာများထဲတွင် ဗုဓ္ဒဘာသာသည် အမွန်မြတ်ဆုံးသောဘာသာဖြစ်၍ သံဃာတော်များအနေဖြင့် မြတ်စွာဘုရား၏ ဟောကြားခဲ့သော ဒေဿနာတော်ဝတ်နည်းများနှင့်အညီ စောင့်ထိမ်း၍ အမျိုးဘာသာ သာဿနာကို မညိုးနွမ်းစေရန်အလိုဌာ သံဃာတော်များဝတ်နည်းတော်များကို ထိမ်းသိမ်းကြရလေမည်။သံဃာတော်
များ နိုင်ငံရေးသမိုင်းတွင် ပါလာကြသည်ကို သမိုင်းတွင်ထင်ရှားစွာတွေ့ မြင်ရသောလည်း ဘာသာ သာဿနာအစွန်းရောက်၍ အကြမ်းဖက်မှုများ၊၀တ်နည်းနှင့်မကိုက်ညီသောပြုမူမှုများ၊နိုင်ငံရေးသည် လူမှုကိစ္စများစွာဖြစ်သောကြောင့် နိုင်ငံရေးမူဝါဒများချမှတ်၍ ပြုလုပ်လာခြင်းများသည် ကိုးကွယ်ယုံ
ကြည်သော ဗုဓ္ဒဘာသာဝင်များအနေဖြင့် တဘက်စွန်းရောက်မှုကို အားမပေးသင့်ပေ။အမျိုးဘာသာ သာဿနာ စောင့်ရောက်မှုကိုလက်ခံသောလည်း သံဃာများနိုင်ငံရေးဥပဒေပြု၍ အစွန်းရောက်မှုကို အားပေးအားမြှောက်မပြုသင့်။ သာဿနာ တော်ကြီးတည်တံခိုင်မြဲစေရန်အလို့ ဌာ ထေကြီး ၀ါကြီးဆရာတော်ကြီးများမှ သွန်သင်ဆုံးမ သြ၀ါဒများပေးသင့်သည်။

မြန်မာ့ဒီမိုကရေစီနိုင်ငံရေးတွင် အဓိကကျပြီး ထဲထဲဝင်ဝင်ပါဝင်လာသည့် လူမှု့ အဖွဲ့ အစည်းများ၊
လူ့ အခွင့် အရေးအဖွဲ့  အစည်းများ၊ပညာပေးအဖွဲ့ အစည်းများနှင့် အလုပ်သမား၊လယ်သမား၊ကျောင်း
သား၊ ၀န်ထမ်း များသည် ဒီမိုကရေစီစနစ်၏ လူ့ မှုအဖွဲ့ အစည်များ အားကောင်းလာစေရန် ပူးပေါင်း
ဆောင်ရွက်ရမည်ဖြစ်ပြီးဥပဒေကပေးထားသော နိုင်ငံသားအခွင့်အရေး၊လူ့ အခွင့်အရေး၊ဒီမိုကရေစီအခွင့်အရေးများကို ဥပဒေနှင့်အညီ မိမိတို့ ၏ ရသင့်ရထိုက်သော အခွင့်အရေးများ တောင်းဆိုကြရမည်။တစ်ဦးချင်းစီက ဆောင်ရွက်မှု၊ နိုင်ငံအပေါ်ပေးဆပ်မှု၊ တရားဥပဒေစိုးမိုးမှုရှိသော အရပ်သားအစိုးရ ပေါ်ပေါက်လာစေရန် လူမှုအဖွဲ့ စည်းများနှင့် ဟန်ချက်ညီညီဆောင်ရွက်ပို့ လိုအပ်ပြီး ဒီမိုကရေစီမှုဝါဒများနှင့်အညီ အချင်းချင်းပူးပေါင်းဆောင်ရွက်ခြင်း၊တစ်ဦးနှင့်တစ်ဦး အပြန်အလှန်
လေးစားခြင်း၊လုပ်ငန်းတာဝန်များကို ခွဲဝေလုပ်ဆောင် ခြင်း၊ဖော်ဆောင်မှုလုပ်ငန်းများကို ကူညီ ဆောင်ရွက်၍ပူးပေါင်းခြင်း စသည့် ဦးဆောင်မှုအခန်းကဏ္ဍများကိုမျှတညီညွတ်အောင် ဆွေးနွေး တိုင်ပင်အပေးအယူပြုလုပ်ခြင်းမျာကို နည်းစနစ်ကျကျဆောင်ရွက်ကာ အာဏာသည်ပြည်သူ့ ထံမှဆင်းသက်ရမည်ဆိုသော ဒီမိုကရေစီမှုအရ ပြည်သူ့ အင်အား အားကောင်းလာစေရန်
 ၀ိုင်းဝန်းဖော်ဆောင်ကြပါစို့ လို့  တိုက်တွန်းအကြံပြုအပ်ပါသည်။


မြသိန်း