သရက်ခရိုင် အမျိုးသားဒီမိုကရေစီအဖွဲ့ချုပ် ဆိုင်းဘုတ်တင်နှင့် ရုံးဖွင့်ပွဲအခမ်းအနား

၂၀၁၂ ခုနှစ်၊ ဖေဖေါ်ဝါရီလ (၂၁) ရက်နေ့တွင် သရက်ခရိုင် အမျိုးသားဒီမိုကရေစီအဖွဲ့ချုပ်၊ ဆိုင်းဘုတ်တင်နှင့် ရုံးဖွင့်ပွဲအခမ်းအနားကိုပြုလုပ်ခဲ့ရာ အခမ်းအနားမှူးအဖြစ် မကွေးမြို့မှ ဒေါ်စန္ဒာဝင်း၊ သဘာပတိအဖြစ် သရက်မြို့မှ ဦးကံမြင့်တို့ကပြုလုပ်ကြပြီး၊ ပထမဦးစွာ အလံတင်ခြင်းနှင့် ဆိုင်းဘုတ်တင်ဖွင့်ပွဲပြုလုပ်ပါသည်။ ၄င်းနောက် အဖွဲ့ချုပ်နာယကအဖွဲ့ဝင် သူရဦးတင်ဦး၏ သ၀ဏ်လွှာ ဖတ်ကြားခြင်း၊ ၈၈ မျိုးဆက်ကျောင်းသားအဖွဲ့ကိုယ်စား ကိုအာကာဘိုမှ သ၀ဏ်လွှာဖတ်ကြားခြင်း၊ ဗဟိုအောင်နိုင်ရေး ဥပဒေပြုအဖွဲ့မှ ဦးကြည်ဝင်းနှင့် ဗဟိုအောင်နိုင်ရေး ဒီလှိုင်းဂျာနယ် အယ်ဒီတာ ဦးအောင်မြင့် (ခ) ဖျာပုံနီလုံဦး တို့မှ အမှာစကားပြောကြားခြင်း၊ မကွေးတိုင်း အောင်နိုင်ရေးအဖွဲ့ဝင် ဒေါ်ခင်စောဋ္ဌေးမှ မိတ်ဆက်စကား ပြောကြားခြင်း၊ ၈၈ မျိုးဆက်ကျောင်းသား ခေါင်းဆောင် ကိုကိုကြီးမှ အမှတ်တရစကား ပြောကြားခြင်းတို့ပြုလုပ်ခဲ့ပါသည်။ သရက်မြို့မှ ကဗျာဆရာတစ်ဦးမှ ဂုဏ်ပြုကဗျာရွတ်ဆိုပြီးနောက် အခမ်းအနား အောင်မြင်စွာ ပြီးဆုံးခဲ့ပါသည်။ အောင်လံ၊ မင်းတုန်း၊ ကံမ၊ မကွေး၊ ရေနံချောင်း၊ ရန်ကုန် မှ အဖွဲ့ချုပ် အဖွဲ့ဝင်များ၊ ၈၈ မျိုးဆက် ကျောင်းသားများ၊ မြို့ခံပြည်သူလူထုပေါင်း ၃၀၀၀ ခန့် တက်ရောက်ကြပါသည်။