ကမ္ဘောဒီးယား နိုင်ငံမှာ ခမာနီ ခေါင်းဆောင်ဟောင်း ၂ ဦးကို လူမဆန်တဲ့ ရာဇဝတ်မှုတွေ ကျူးလွန်ခဲ့တဲ့အတွက် ကုလသမဂ္ဂ ကျောထောက် နောက်ခံပြုတဲ့ တရားရုံးကနေ ထောင်ဒဏ် တစ်သက်တစ်ကျွန်းစီ ချမှတ်လိုက်ပါတယ်။
၁၉၇၅ ခုနှစ်က ကမ္ဘောဒီယားကို ခမာနီတို့ ထိန်းချုပ်အပြီးမှာ မြို့တော် ဖနွမ်းပင် ကနေ လူတွေကို အစုလိုက် အပြုံလိုက် မောင်းထုတ် သတ်ဖြတ်ခဲ့မှုအတွက် အပြစ်ရှိတယ် ဆိုပြီး အမိန့်
ချမှတ်ခံခဲ့ရတာ ဖြစ်ပါတယ်။
မြန်မာနိုင်ငံမှာတော့ ၁၉၆၂ နှစ် ဦးနေ၀င်းအာဏာသိမ်းခဲ့သည့်အချိန်မှာ တိုင်းရင်းသားစည်းလုံးညီ
ညွတ်မှုကိုပျက်ပြားစေခဲ့သည့် အချိန်မှစ၍ တိုင်းရင်းသားလက်နက်ကိုင်အဖွဲ့ များ ပို၍များများလာ
ခဲ့သည်။ပြည်တွင်းစစ်မီးကို မီးရှို့ ပေးသောတရားခံဖြစ်၍ ၁၉၆၂-၁၉၆၃ ခုနှစ်တွင် ပြည်သူပိုင်သိမ်း
ခဲ့ရာ ရေနံတွင်းများ၊ဘဏ်များ၊စီးပွားရေးလုပ်ငန်းများ၊အိုးအိမ်များစသည်တို့ ကို သိမ်းပိုက်ခဲ့ပြီး အာဏာ
ကိုဆုတ်ကိုင်ကာ မြန်မာ့ဆိုရှယ်လစ်လမ်းစဉ်ကို ထူထောင်၍ တစ်ပါတီအာဏာရှင်စနစ်ဖြင့် ၂၆ နှစ်
ကြာ နိုင်ငံတော်ဘဏ်ဏ္ဍာငွေများနှင့် သယံဇာတများ၊ ကျောက်မျက်ရတနာများကို နိုင်ငံခြားသို့ 
ရောင်းချကာ နိုင်ငံခြားဘဏ်များတွင် စုဆောင်းထားပြီး နိုင်ငံတော်ဘဏ်ဏ္ဍာငွေများကို အလွဲသုံးစား
ပြုခဲ့သည်။ စစ်အာဏာရှင်စနစ်ကို ထူထောင်ခဲ့သူ ခေါင်းဆောင်လည်းဖြစ် ၇ ဇူလိုင် ကျောင်းသား
သမဂ္ဂအဆောက်အဦးကို ဖျက်ဆီးခဲ့သောတရားခံလည်းဖြစ်ပြီး ကျောင်းသားများသေဆုံးခဲ့ရသည်။
၁၉၈၈ ခုနှစ်တွင် စစ်တပ်မှအာဏာသိမ်းခဲ့ပြီး ပြည်သူအများအပြား ဒီမိုကရေစီတိုက်ပွဲတွင် ကျဆုံး
ခဲ့ရသည့် ၈၈၈၈ ရှစ်လေးလုံးအရေးတော်ပုံကြီး ၂၆ နှစ်မြောက်ခဲ့သောလည်း ပြည်သူကိုအကြမ်းဖက် သတ်ဖြတ်ခဲ့သည့် စစ်အာဏာရှင်များ ယနေ့ အထိ သက်ရှိထင်ရှားရှိနေပြီး ဆက်လက်၍အာဏာရှင်
စနစ် သက်ဆိုးရှည်အောင် နည်လမ်းမျိုးစုံသုံးကာ ပြည်သူတွေကို လိမ်လည်လှည့်ပြားလျှက်ရှိသည်။
စစ်အာဏာရှင်တို့  သက်ဆိုးရှည်ဖို့  ရိုဒ်မက် ၇ ချက်ဖြင့်အကောင်အထည်ဖော်ကာ ၂၀၀၈ ဖွဲ့ စည်းပုံအခြေခံဥပဒေကို စိတ်တိုင်းကျရေးဆွဲခဲ့ပြီး ၂၀၀၈ ခုနှစ်တွင် (နာဂစ်မုန်တိုင်းကြားမှ)
အတင်းအဓမ္မ အတည်ပြုကာ ၂၀၁၀ ခုနှစ်တွင် စစ်အာဏာရှင်ကြီး ဦးသန်းရွေမှ ဗိုလ်ချုပ် ဦးသိန်းစိန်
အပါအ၀င် စစ်ဗိုလ်ချုပ်များ လူဝတ်လဲစေခဲ့ပြီး အရပ်ဝတ်ဖြင့် ပြန်လည်ရွေးချယ်ကာ စစ်ဗိုလ်ချုပ်
ဟောင်းများဦးစီးသော အစိုးရတက်လာခဲ့သည်။အစိုးရအဖွဲ့ နှင့် အုပ်ချုပ်ရေးအဖွဲ့ တွင် ဗိုလ်ချုပ်၊ဗိုလ်မှူး၊
ဗိုလ်ဟောင်းများကို အုပ်ချုပ်ရေးနယ်ပယ်တွင် ပြန်လည်ခန့် အပ်ကာ စစ်အာဏာရှင် စနစ်မှ စစ်သားကြီးစိုးသော အုပ်ချုပ်ရေးစနစ်ကို ထူထောင်နေကြပြီး မဏ္ဍိုင်ကြီး ၃ ရပ်မှာ ချစားပျက်စီးလျှက်
ရှိနေသည်။ဒီမိုကရေစီပြုပြင်ပြောင်းလည်းရေး လမ်းကြောင်းပေါ်သို့  ရောက်ရှိနေပြီဟု ထင်နေသူ
များရှိနေသောလည်း စစ်အာဏာရှင်စနစ်ထက်စာရင် ပြောင်းလဲမှုတချို့ ရှိသောလည်း စစ်မှန်တဲ့
ဒီမိုကရေစီကို ရောက်ရှိဖို့  မလွယ်ကူလှပေ၊၊ ၂၀၀၈ ဖွဲ့ စည်းပုံနှင့်ပါတ်သက်၍ အစိုးရမှ ကော်မတီဖွဲ့ 
ကာ ပြည်သူ့ ထံ အကြံပြုလွှာများ တောင်းခံခဲ့ပြီး ပြည်သူအများစုက ပြင်ဆင်ပေးဖို့  အကြံပြုလွှာများ
ပေးပို့ ခဲ့သော်လည်း ကော်မတီမှ အုပ်စုဖွဲ့ ၍ မပြင်ဆင်ဖို့ ဆုံးဖြတ်ခဲ့ကြပြီး ပြည်သူ့ ဆန္ဒကို အလေး
အလေးမထားခဲ့ခြင်းဖြစ်သည်။
NLD နှင့် ၈၈ မျိုးဆက် ပွင့်လင်းလှုမှု့ အဖွဲ့ အစည်းတို့  ကြိုးစားနေကြသောလည်းအခက်အခဲများကို
ကျော်ဖြတ်ရမည်ဖြစ်သည်။၂၀၀၈ ဖွဲ့ စည်းပုံ အခြေခံဥပဒေပြင်ဆင်ရေးကို လူထုသဘောထား
ကောက်ယူရာ ၅ သန်းနီးပါးက လက်မှတ်ရေးထိုးတောင်းဆိုခဲ့ပြီး မြန်မာ့သမိုင်းတွင် ပြည်သူများ၏
ရဲရဲဝင့်ဝင့် ပွင့်ပွင့်လင်းလင်း တောင်းဆိုမှုသည် ပထမဆုံးအကြိမ်ဖြစ်ပြီး သမိုင်းတွင်ခဲ့လေပြီဖြစ်
သည်။မြန်မာ့ဒီမိုကရေစီအရေးကို လူထုခေါင်းဆောင် ဒေါ်အောင်ဆန်းစုကြည်သည် တိုင်းပြည်ရော
ပြည်သူပါ မနှစ်နာစေရအောင် ငြိမ်းချမ်းသောနည်းဖြင့် စစ်မှန်တဲ့ ဒီမိုကရေစီနိုင်ငံထူထောင်နိုင်ရန်
နိုင်ငံရေးလမ်းကြောင်းကို ပြောင်းလဲကာ အစိုးရလည်းမနစ်နာစေရအောင် ပြည်သူလည်းနစ်နာမှု
မရှိစေပဲ တိုင်းပြည်လည်းဖွံ့ ဖြိုးတိုးတက်စေဖို့  မြန်မာနိုင်ငံကို ကမ္ဘာ့အလည်သို့  ပြန်လည်ဆွဲဆောင်
ခဲ့ပြီး ဒီမိုကရေစီပြုပြင်ပြောင်းလဲရေး လမ်းကြောင်းကို ဖွင့်ပေးခဲ့သည်။
စစ်အာဏာရှင်တို့ သည် သမိုင်းကို ကောင်းအောင်နေတပ်ဖို့ လိုသည့်အပြင် တိုင်းပြည်အတွက်
စေသနာနှင့် ပြည်သူ့ အပေါ် မေတ္တာထားဖို့  လိုအပ်ပေသည်။လက်ရှိ ဦးသိန်းစိန် အစိုးရသည်
ပွင့်လင်းမြင်သာမှုမရှိ ၂၀၀၈ ဖွဲ့ စည်ပုံအခြေခံဥပဒေကို ဒီမိုကရေစီစံနှုန်း၊ လူ့ အခွင့်အရေး၊
တိုင်းရင်းသားအခွင့်အရေးနှင့် နိုင်ငံသားအခွင့်အရေးများ အပြည့်အ၀ရရှိစေရန် အခြေခံဥပဒေကို
နိုင်ငံတကာနှင့် စံချိန်မှီအောင်ပြင်ဆင်ရမည်။ အခွင့်ထူးခံလူတန်းစားများ၊ဗဟိုဦးစီးမှုစနစ်၊ခရိုနီတို့ 
၏ အတ္တလောဘ၊စစ်တပ်မှ နိုင်ငံရေး၊စီးပွားရေးတို့ တွင်ပါဝင် ပါတ်သက်မှုများကို ပြင်ဆင်ရမည်၊၊
လက်ရှိ စစ်တပ်မှ အနားယူသွားသော စစ်အာဏာရှင်များကို လက်ရှိအစိုးရမှ အကာအကွယ်ပေး
ထားပြီး ဘုရင်တစ်ဆူသဖွယ် စံအိမ်တော်ကြီးများဆောက်လုပ်ကာ နိုင်ငံတော်ဘဏ္ဍာငွေဖြင့် အထူး
အခွင့်အရေးများပေးပြီး နိုင်ငံရေးကို ကြိုးကိုင်ကာ ဗိုလ်ချုပ်တစ်စုနှင့် မိသားစု ကောင်းစားရေးကို ထူထောင်နေသည်မှာ လက္ခာမကောင်းပေ။ဗုလ်ချုပ်မှူးကြီးသန်းရွှေဟာ နိုင်ငံရေးစုဆောင်းငွေ
ကျပ်သိန်း ၂၃၀၀ ရရှိပြီး ပင်စင်တလ သိန်း ၁၀၀ ခံစားနေပါတယ်။ဗိုလ်ချုပ်မှူးကြီးမောင်အေး
ကတော့ နိုင်ငံရေးစုဆောင်းငွေ ကျပ်သိန်း ၁၈၄၀ ရရှိပြီး ပင်စင်တလကျပ်သိန်း ၈၀ ရရှိနေကြ
ပါတယ်။နိုင်ငံတကာအစိုးရများမှလည်း လက်ရှိနိုင်ငံရေးအခြေအနေကို ဆောင့်ကြည့်နေကြပြီး လိုအပ်လျှင်လိုအပ်သလို အရေးယူမှုများဖြစ်လာနိုင်သည်။ကမ္ဘာ့နိုင်ငံရေးတွင် ကွန်မြူနစ်နှင့် အာဏာရှင်များကို အပြစ်ပေးမှုများ ရှိလာနေပြီး သမိုင်းတစ်ပါတ်လည် လာနေသည်။
ပြည်သူပြည်သားများအနေဖြင့် ၈၈၈၈၈ လေးလုံး ဒီမိုကရေစီအရေးတော်ပုံတွင် စစ်အာဏာရှင်တို့ 
၏ လက်ချက်ကြောင့် အနာဂတ်၏ သားကောင်းရတနာများ အသက်ပေးသွားခဲ့ရသည်။ထိုသား
ကောင်းရတနာများ၏ မိဘများသည် ယနေ့ အချိန်အထိ သားသမီးများ ဆုံးရှုံးခဲ့ရမှုကို မမေ့နိုင်သေး
ပေ၊တပ်ဦးကျောင်းသူ မ၀င်းမော်ဦးရဲ့  ဒီမိုကရေစီရမှ အမျှဝေပါဆိုသော မှာကြားခဲ့မှုကို ယနေ့ အထိ
မေ့မရနိုင်ပေ။တိုင်းရင်းသားများသည် နှစ်ပေါင်း ၅၀ ကျော်စစ်အာရှင်တို့ ၏ ဖိနှိပ်မှုအောက်တွင် ခံစား
ခံစားနေရပြီး စစ်ပြေးဒုက္ခသည်များအဖြစ် နိုင်ငံတကာတွင် နေထိုင်နေရဆဲဖြစ်သည်။မြန်မာနိုင်ငံပြုပြင်
ပြောင်းလဲရေးအတွက် နိုင်ငံသို့ ပြန်လာကြပြီး နိုင်ငံဖွံ့ ဖြိုးရေးအတွက် မိမိတို့ တတ်နိုင်သည့်ဘက်မှ
ဝိုင်းဝန်းလုပ်ဆောင်ကြဖို့  သမ္မတကြီးမှ ဖိတ်ခေါ်ထားသော်လည်း ပြည်တွင်းပြန်လာပြီး ကူညီလုပ်
ဆောင်သူများကို ပြည်နှင်ဒဏ်များချမှတ်လျှက်ရှိပြီး မြန်မာနိုင်ငံပြန်ချင်သူများကိုလည်း ဗီဇာပိတ်ပင်
ထားသည်။လက်ရှိတွင် ပြည်သူတွေအပေါ် စော်ကားကာ ပြောဆိုခဲ့သော ၀န်ကြီးတစ်ချို့ ကို အစိုးရ
မှ အရေးယူဖို့  ပျက်ကွက်ခဲ့သည် (ဒီမိုကရေစီတွင် အချုပ်အချာအာဏာသည် ပြည်သူ့ ထံမှ ဆင်း
သက်ရမည် ) အတုအယောင် ဒီမိုကရေစီဟု ထင်ရှားစွာ တွေ့ မြင်ရသည်။
၂၀၀၈ ဖွဲ့ စည်းပုံကိုပြင်ဆင်မှုမရှိခြင်း၊ရွေးကောက်ပွဲစနစ် PR ကို တင်သွင်း၍ နိုင်ငံရေးရှုပ်ထွေး
အောင်ပြုလုပ်ခြင်၊နိုင်ငံရေးဟောပြောပွဲများကို ပိတ်ပင်ခြင်း၊ဆန္ဒဖော်ထုတ်သူများကို
အကြောင်းအမျိုးမျိုးပြ ဖမ်းဆီးနေခြင်း၊မီဒီယာများကို ဖိနှိပ်ခြင်း၊ဘာသာရေး လူမျိုးရေးအသွင်
ဆောင်သော အထိကရုဏ်းများဖြစ်ပေါ်နေခြင်း စသည်တို့ သည် တိုင်းပြည်ကို စစ်အာဏာရှင်စနစ်
သို့ နောက်ကြောင်းပြန်ရန် လုပ်ရပ်များစွာ ပေါ်ထွက်လျှက်ရှိနေသည်။ထို့ ကြောင့် ပြည်သူများမှ
စစ်အာဏာရှင်စနစ်ကို မည်သို့ မျှ လက်မခံနိုင်ပေ၊ ဒီတချိန် လူထုအုံကြွမှုပေါ်ပေါက်
လာလျှင် အဆိုးဝါးဆုံးဖြစ်လာနိုင်သည်ဟု ယူဆရသည်။အစိုးရတွင် တာဝန်အားလုံးရှိနေပြီး
ငြိမ်းချမ်းရေးလမ်းကြောင်း ရပါလျှက်နှင့် အာဏာရှင်သက်ဆိုးရှည်ရေး ကြိုးစားမည်ဆိုလျှင်
အာဏာရှင်များ အန္တရာယ်ကြီးကြောင်း ဝေဖန်သတိပေးအပ်ပါသည်။
မြသိန်း
