ဒီဇင်ဘာ ၁၈ ရက်ကတော်ဝင် နှင်းဆီတွင် ကျင်းပခဲ့သောအမျိုးသား ဒီမိုကရေစီအဖွဲ့ချုပ်၏ရန်ကုန်တိုင်း ဒေသကြီးမြို့နယ်၊ ခရိုင်၊ အလုပ် အမှုဆောင်များတွေ့ဆုံညှိနှိုင်းဆွေး နွေးပွဲတွင် အမျိုးသားဒီမိုကရေစီ အဖွဲ့ချုပ်နာယကဦးတင်ဦးက ဒေါ်အောင်ဆန်းစုကြည်သမ္မတ ဖြစ်မှ မိမိတာဝန်ပြီးမည်ဟုယုံကြည် ထားကြောင်းပြောသည်။ “ဒေါ်အောင်ဆန်းစုကြည်ဟာ ဒီတိုင်းပြည်နဲ့ ပတ်သက်တဲ့ကိစ္စ အ၀၀အားလုံးကို အထူးသဖြင့် တိုင်းရင်းသားစည်းလုံးညီညွတ်ရေး နဲ့ ပတ်သက်တာအမျိုးသားရေး ကိစ္စအ၀၀ကို ထိပ်ဆုံးကနေလုပ် နိုင်ရန် တိတိကျကျပြောရမယ်ဆို ရင်ဒေါ်အောင်ဆန်းစုကြည်သမ္မတ ဖြစ်မှ ကျွန်တော်ရဲ့တာဝန်ပြီးမယ် လို့ကျွန်တော်ယုံကြည်တယ်”ဟု NLD နာယကကြီးဦးတင်ဦးက ပြောကြားခဲ့သည်။ အမျိုးသားဒီမိုကရေစီအဖွဲ့ချုပ် အဖွဲ့ဝင်များအားလုံးမိမိတိုင်းပြည် ၏မျက်နှာမိမိတို့ပြည်သူတွေ၏ မျက်နှာကိုထောက်ထားပြီး ရှေ့ ဆက်လုပ်ရမည့်လုပ်ငန်းများတွင် ယခင်ပြည်သူများ၏လေးစားမှု၊ စာနာထောက်ထားခံရမှုများကို ဆက်လက်ထိန်းသိမ်းလျက်မှန်မှန် ကန်ကန်ရုံးကန်သွားပါက ၂၀၁၅ တွင် အမျိုးသားဒီမိုကရေစီအဖွဲ့ ချုပ်သည်အခက်အခဲများကို ကျော်လွှားနိုင်မည်ဟုယုံကြည် ကြောင်း ၎င်းကဆိုသည်။ ဦးတင်ဦးအနေဖြင့် ပါတီသို့ စတင် ၀င်ရောက်ကတည်းက အမျိုးသားဒီမိုကရေစီအဖွဲ့ချုပ် သည်အောင်ကိုအောင်မြင်ရမည် ဖြစ်ကြောင်း တိုင်းပြည်၏ကိစ္စအ၀၀ ကို ထိပ်ဆုံးမှလုပ်နိုင်ကိုင်နိုင်ရမည် ဆိုသည့်ရည်ရွယ်ချက်ဖြင့်ဝင်ရောက် ခြင်းဖြစ်ကြောင်း ပါတီဝင်များကို လည်း အစစအရာညီညီညွတ်ညွတ် အပေးအယူမျှတစွာဆောင်ရွက် စေချင်ကြောင်းထပ်လောင်းပြော ကြားခဲ့သည်။ The hotnews weekly
