skip to main |
skip to sidebar
၂၀၁၂-၅-၂၂
မန္တလေးမြို့  လျှပ်စစ်မီးရရှိရေး တောင်းဆိုဆန္ဒဖေါ်ထုတ်သူ ပြည်သူများအား ပြည်လည်အောင် ဆောင်ရွက်ပေးခြင်းမရှိဘဲ ဆန္ဒပြဦးဆောင်လှုပ်ရှားသူ
အဖွဲ့မှအဖွဲ့ဝင်တစ်ဦးကို မန္တလေးတိုင်း ရဲမင်းကြီးက မနေ့ည ၈ နာရီ ၄၅
မီနစ်ခန့်တွင် တွေ့ဆုံ၍ တရားမ၀င်သော လူထုစုစည်းမှု ဖြစ်သဖြင့်
ဆက်လက်ပြုလုပ်ခြင်းမပြုလုပ်ရန် တားမြစ်ကာ ခြိမ်းခြောက်ခဲ့ပြီး ပါဝင်သူပြည်သူများကို ခြိမ်းခြောက်မှု များပြုလုပ်လျှက်ရှိနေကောင်း မြို့ ခံများ၏ သတင်းအရသိရှိရသည်။ ဖမ်းဆီးထိမ်းသိမ်းနိုင်သည့် အနေ အထားများရှိနေပြီး SB တိုင်းအထူး ရဲ့တပ်ဖွဲ့က စစ်ဆေးမှုများပြုလုပ်နေသည်ဟု သတင်းများထွက် ပေါ်လျှက်ရှိသည်။
ယင်းနှင့်ပတ်သက်၍
မန္တလေးတိုင်း အထူးရဲတပ်ဖွဲ့ရုံးမှ တာဝန်ရှိသူ တစ်ဦးအား ဆက်သွယ်
မေးမြန်းရာ တွင် မိမိတို့ ခေါ်ဆောင်ထားသူများကို စစ်ဆေးနေသည်မှာမှန်ကန်ကြောင်းဝန်ခံသည်။ မတရားခေါ် ဆောင်ခံထားရသူများ အထဲမှသတင်းအရ ဖိအားပေးစစ်ဆေးမှုများရှိနေသည်ဟုသိရသည်။
ခေါ်ဆောင်ခြင်း ခံထားရသူ အများစုမှာ
ယခင်ကနိုင်ငံရေး သမားဟောင်း များဖြစ်ခြင်းကြောင်း စစ်အစိုး ရ လက်ထက်
များတွင် ယခုကဲ့သို့ခဏဟု ပြောဆိုခေါ်ဆောင်သွားပြီး ဖမ်းဆီး ထိန်းသိမ်းခြင်း
အတွေ့အကြုံ များရှိခဲ့ဘူးခြင်းကြောင့် ၄င်းတို့၏ မိသားစုဝင်များမှာ
စိုးရိမ်လျှက် ရှိကြောင်းသိရသည်။
ယခုလို ပြည်သူများ၏ အခက်အခဲများကို ငြိမ်းချမ်းစွာဖေါ်ထုတ်မှုများကို SBမှ ဖမ်းဆီးခေါ်ယူစစ် ဆေးခြင်းသည် အာဏာရှင်တို့ ၏ လုပ်ရပ်ဖြစ်ပြီး ပြေပြေလည်လည် ဖြေရှင်းပေးခြင်းမရှိဘဲ အာဏာ ကိုအလွဲသုံးစားလုပ်၍ ထိမ်းသိမ်းခေါ်ယူစစ်ဆေးခြင်းသည် ဒီမိုကရေစီပြုပြင်ပြောင်းလဲရေးတွက် သံတယများဖြစ်ပေါ်လာနိုင်သည်။ပြည်သူများ၏ ဘ၀အခက်အခဲများကို ပြည်လည်အောင် မဖြေရှင်း ပေးခြင်းမရှိသည့်အပြင် ရှုပ်ထွေးမှုဖြစ်အောင် အထူးရဲတပ်ဖွဲ့ မှ အတင်းအဓမ္မ ခေါ်ဆောင်သွားသော ကြောင့် ပြည်သူများမကျေမနပ်ဖြစ်နေကြပြီး အာဏာရှင်စနစ်ကို နောက်ကြောင်းပြန်လှည့်လာနိုင် သည့် လဏ္ခာတွေ့ ရကြောင်း ပြည်သူများဝေဖန် ပြောဆို စိုးရိမ်နေကြသည်ဟု သိရှိရသည်။
