ဒေါ်အောင်ဆန်းစုကြည် ၏ စေတနာနှင့်လမ်းညွှန်မှု့

"ဒေါ်အောင်ဆန်းစုကြည် ၏ စေတနာနှင့်လမ်းညွှန်မှု့" အား ဤအင်တာဗျူးတွင် ဖတ်ရှု့နိုင်သည်။ (သူမအားဝန်းရံခြင်းဖြင့် လှပသောအနာဂါတ် စတင်တည်ဆောက်ရအောင်လား) (ဝေဖန်အကြံပြုလို
သော ဆရာများကိုလည်း ကြိုဆိုပါသည်) (နိုင်ငံရေး ခေါင်းဆောင်ဆိုတာ ယုံကြည်ချက်ရှိရပါတယ်။ ယုံကြည်ချက်နောက်ကွယ်မှာ “အတွေးအခေါ်” ဆိုတာကပ်ပါလာတတ်ပါတယ်။ မေးတဲ့သူက အမေးကောင်းသလို ဒေါ်စုရဲ့ အဖြေတွေမှာ အတွေးအခေါ်ပါ တာ .. အဆင့်မြင့်မြင့်ဖြေနိုင်စွမ်းရှိတာကို တွေ့ရပါမယ်။ ဘာကို သူအဓိထားတယ်ဆိုတာကို မြင်သိရပါမယ်။ 

 စာရေးသူဂျပန်ရောက်တော့ Osaka University of Foreign Studies, Kansai Institute of Asia-
Pacific Studies (KIAPS) ကထုတ် တဲ့ Kei Nemoto and Midori Inouye Sigita တို့ရေးတဲ့ Aung San 
Suu Kyi and Contemporary Burma ဆိုတဲ့ စာအုပ်ပါးပါးကလေးဟာ ဘယ်လိုကောင်းမှန် .မသိဖူး
 ဒေါ်စုနဲ့ အမေးအဖြေကနေ ဒေါ်စုရဲ့ အတွေးတွေကို အမိဖမ်း.ရေးပြနိုင်တယ်။ ဒေါ်စုကို..မသိလို့တဖုံ …ဥါဏ်မမှီ မနာလို၍တသွယ်..တိုက်ခိုက်နေကြတဲ့ အချိန်မှာ… ဒေါ်စုရဲ့ ..အတွေးကို လျှပ်မပျက်..မြင်
လို့ရတဲ့ ..အခါ … သိနိုင်မြင်နိုင်သူတွေ..အဖို့.အလွန်တန်ဖိုးရှိလှပါတယ်။ ဒေါ်စုရဲ့ အသိစွမ်းအား Capacity ဘယ်လောက်မြင့်တယ်ဆိုတာ ..လူငယ်လေးတွေကို ..သိစေချင်တဲ့..စေတနာပါ။ ဒေါ်စုရဲ့ စေတနာ ကိုနားလည်နိုင်ကြပါစေ။ Bo K Nyein ) 


မေး... ဒီမိုကရေစီစနစ်ကူးပြောင်းရေးဆိုတဲ့ ကိစ္စနဲ့ပတ်သက်ပြီး ဘယ်နိုင်ငံက အန်တီ့ကို စေ့ဆော်မှု အပေးနိုင်ဆုံးလဲခင်ဗျ။ 
 ဖြေ... ပြောရခက်တယ်။ တောင်အာဖရိကအတွေ့အကြုံကတော့ ကမ္ဘာသူ ကမ္ဘာသားအားလုံး သိပြီး
သားပဲ၊ ဒါပေမယ့် ပိုလန်မှာ လုပ်သွားကြတာလည်း အင်မတန်ကောင်းတယ်လို့ အန်တီယူဆတယ်။ ကမ္ဘာတဝှမ်းက အသွင်ကူးပြောင်းရေး အတွေ့အကြုံတွေ ထပ်တူကျချင်မှ ကျလိမ့်မယ်၊ ဥပမာ စပိန်ရဲ့ အပြောင်းအလဲက Francisco Franco သေသွားပြီးနောက်ပိုင်းမှ စခဲ့တာ၊ ဒါပေမယ့် အစီအမံတွေ ကောင်းခဲ့လို့ ငြိမ်းငြိမ်းချမ်းချမ်းပဲ အသွင်ကူးပြောင်းနိုင်ခဲ့တယ်။ ဒီမိုကရေစီလိုပဲ အသွင်ကူးပြောင်းရေးကိုလည်း အန်တီတို့နဲ့ အသင့်တော်ဆုံး ပုံစံကို ရှာယူကြရမှာပါ။ ဒါပေါ့၊ အသွင်ကူးပြောင်းခြင်းက စစ်မှန်ကြောင်းကို သေချာစေဖို့အတွက် အခြေခံကျတဲ့ မူတွေနဲ့ စနစ်တွေက ရှိနေရမှာပေါ့၊ နိုင်ငံတိုင်းမှာလည်း အတွေ့အကြုံကိုယ်စီ ရှိမှာပါလေ။ အန်တီကတော့ မြန်မာနိုင်ငံ
အတွက် အသင့်တော်ဆုံး နည်းလမ်းကိုရှာတွေ့ဖို့ အမြဲတောင့်တတယ်၊ ဘယ်လမ်းပဲရွေးရွေး၊ အကောင်းဆုံးလမ်း ဖြစ်နေရမယ်လို့ အန်တီထင်ပါတယ်။ 

 မေး... ဒါက (ဒီမိုကရေစီအသွင်ကူးပြောင်းရေးက) အန်တီအမြဲစဉ်းစားနေတဲ့ ကိစ္စပဲလား။ 

 ဖြေ... ဟုတ်တယ်၊ အဲဒါ အန်တီ့ဘဝရဲ့ အစိပ်အပိုင်းတစ်ခုပဲ။ အန်တီတို့ နိစ္စဓူဝလုပ်နေတဲ့ အလုပ်တွေ အားလုံးနီးပါးဟာ အဲဒါနဲ့ ပတ်သက်နေတယ်။ အန်တီတို့ ဒိအတွက် ၂၃ နှစ်ကြီးများတောင် ကြိုးစားရုန်း ကန်ခဲ့ပြီးပြီ။ 

 မေး... အန်တီ့ဖေဖေကို အမှတ်တရရေးထားတဲ့ လက်ရွေးစင်စာစုတွေကို ကျနော်ဖတ်ဖူးတယ်၊   တော်လှန်ရေး    လှုပ်ရှားမှုတွေမှာ အန္တရာယ်တစ်ခု ရှိနေတတ်ကြောင်း အဲဒီထဲက ဆောင်းပါးတစ်

ပုဒ်မှာ အန်တီရေးထားတယ်နော်။ အဲဒီအန္တရာယ်က ဘာလဲဆိုတော့ နိုင်ငံရေးအတွက် အရေးတကြီး လုပ်လိုက်ရတဲ့ ကိစ္စတွေဟာ နဂို တော်လှန်ရေးပန်းတိုင်ကို မှေးမှိန်သွားစေရုံတင်မကပဲ အဲဒီရည်မှန်း ချက်ကို စွန့်လွှတ်လိုက်ရတဲ့အထိတောင် ဖြစ်သွားနိုင်တယ် လို့ ဖတ်မိတယ်။ တော်လှန်ရေး ရည်မှန်း ချက်ရဲ့ မြင့်မြတ်ခြင်းတွေ၊ အရေးကြီးခြင်းတွေကို စွဲစွဲမြဲမြဲ ကိုင်ဆောင်ထားတာက ဖြစ်သင့်ဖြစ်ထိုက်တဲ့  ကိစ္စ ဆိုတာထက် ဒီလိုစွဲကိုင်ထားတဲ့အတွက် Animal Farm syndrome လိုမျိုး (တိရစ္ဆာန်တွေက ခြံပိုင်ရှင်ကို တွန်းလှန်ပြီး တစင်ထောင်တဲ့ အဖြစ်အပျက်တွေ) ဖြစ်မလာအောင် ရှောင်လို့ရသေးတယ် ခင်ဗျ။ တကယ်တမ်းကျတော့ ဒီပြဿနာမျိုးက နိုင်ငံတော်တော်များများ ကြုံနေကြတာပဲနော်။ (TZA: Animal Farm syndrome က Animal Farm ဝတ္ထုထဲကနေ ပေါ်ထွက်လာတာပါ၊ အဲဒီထဲမှာ ဝက်လေး     တွေနဲ့ တခြားတိရစ္ဆာန်တွေ ပူးပေါင်းပြီး ခြံပိုင်ရှင်ကို တော်လှန်ပြီးတော့ ခြံကို ဦးစီးတဲ့အကြောင်း   ရေးထားပါတယ်၊ ကျနော့်စိတ်ထင် NLD နဲ့အပြိုင် NDF လို ပါတီမျိုး ပေါ်လာတာကို ပြောချင်တာ   ဖြစ်မယ်ထင်တယ်၊ ကျနော်ထင်တာ မှားကောင်းမှားနိုင်ပါတယ်) 

 ဖြေ... အန်တီဆိုလိုချင်တာက ရည်မှန်းချက်နဲ့ လုပ်ပုံလုပ်နည်းကို သပ်သပ်စီခွဲပြောလို့မရဘူး။ တချို့တော်လှန်ရေးတွေ အမှားကြီးမှားနေတဲ့ လမ်းမှားပေါ် ဘာကြောင့်ရောက်သွားသလဲ၊ အကြောင်းကတော့ တော်လှန်ရေးအောင်မြင်ဖို့အတွက် ဘယ်နည်းလမ်းပဲ သုံးရသုံးရ ဆိုပြီး အဲဒီ တော်လှန်ရေးသမားတွေ ထင်နေလို့ပဲ။ မင်း ဒီလိုလုပ်လို့မရဘူး၊ ဒါဆိုရင် တော်လှန်ရေးရဲ့     ပင်ကိုယ် ရည်ရွယ်ချက်ကြီးက ပုံပြောင်းသွားပြီ။ မင်း လူ့အခွင့်အရေးအတွက် တိုက်ပွဲဝင်နေတာဆိုရင် လူ့အခွင့်အရေးနဲ့ ဖီလာဆန့်ကျင်နေတဲ့ နည်းလမ်းတွေ မသုံးရဘူး။ မင်း အဲသလိုလုပ်လိုက်ရင် ပန်းတိုင်ရောက်သွားတဲ့အခါ နဂိုက လိုချင်တောင့်တခဲ့တဲ့ ပန်းတိုင်မဟုတ်တော့ပဲ လုံးဝမတူတော့တဲ့ တခြားအရာတခု ဖြစ်နေပြီ၊ ဘာလို့လဲဆိုတော့ မင်းရဲ့ ရည်မှန်းချက်ကို မင်းက တောက်လျှောက် ပုံစံပြောင်းပစ်တာကိုး၊ သူ့ရဲ့ အခြေခံအကျဆုံး ဂုဏ်ဒြပ်တွေက မင်းလက်ချက်နဲ့ ပျက်စီးကုန်ပြီလေ။

 မေး... အန်တီ ဒီအချက်ကို ပါတီဝင်တွေကို မနားတမ်း သတိပေးနေမှာလားခင်ဗျာ။

 ဖြေ... ဟုတ်တယ်။ ကိုယ်ဘယ်နည်းလမ်းသုံးနေတယ်ဆိုတာ ကိုယ့်ကိုကိုယ်သိနေရမယ်လို့ အန်တီ အမြဲပြောတယ်။ တယောက်ယောက်ကို လွတ်လပ်စွာတွေးခေါ်ခြင်းနဲ့ ပတ်သက်တဲ့ အရေးကြီးပုံတွေကို သင်ပေးချင်တယ် ဆိုပါစို့၊ အဲဒီလူက လွတ်လွတ်လပ်လပ် မတွေးတတ် မခေါ်တတ်တာနဲ့ သူ့ကို ထ ဗြင်းလို့မရဘူးလေ။ တဖက်က ရိုက်ရင်း တဖက်က “ဦးနှောက်သုံးစမ်းကွာ၊ လွတ်လွတ် လပ်လပ် ကြီး တွေးစမ်းပါကွာ” ဆိုပြီး ကြိမ်းမောင်းနေလို့ မရဘူး၊ ဒီလိုနည်းနဲ့ လူတစ်ယောက်ကို လွတ်လပ်တဲ့   တွေးခေါ်မှုမျိုး မပေးနိုင်ဘူး၊ လန့်သွားအောင်ပဲ ခြောက်လို့ရမယ်၊ လွတ်လပ်ခြင်းနဲ့ လုံးလုံး ဆန့်ကျင်နေ တာကိုပဲ သူခံစားရလိမ့်မယ်။
 မေး... ကျနော်ကြားဖူးတယ်၊ အန်တီက လစ်ဗျားလို အဖြစ်မျိုး မြန်မာပြည်   မှာ မဖြစ်စေချင်ဘူးဆို၊ ဟုတ်လား။ 
  ဖြေ... ဘယ်အခြေအနေမျိုးမှာမဆို အကြမ်းမဖက်တဲ့ တိုက်ပွဲကို အန်တီအားပေးတယ်။ အန်တီတို့ အကြမ်းမဖက်တဲ့ လမ်းစဉ်ကနေ လုံးဝ သွေဖယ်မသွားတဲ့ အကြောင်း ကတော့ အကြမ်းမဖက်တဲ့ တိုက်ပွဲဟာ ရေရှည်မှာ ပိုကောင်းလို့ပဲ။ ဒီလမ်းစဉ်က အချိန်ပိုကုန်ချင်ကုန်    မယ်၊ ဒါပေမယ့် သူ့နဲ့အတူ တွဲပါလာမယ့် ဒဏ်ရာတွေလည်း ပိုနည်းလိမ့်မယ်။ လစ်ဗျားရဲ့ ဒဏ်ရာ ဒဏ်ချက်တွေကို အချိန်အများကြီးပေးပြီး ကုစားရမှာ၊ အပေါ်ယံကြည့်လိုက်ရင် အရာရာ အနည်ထိုင် သွားပြီဆိုပေမယ့် မကျေနပ်ချက်တွေ၊ အမုန်းတရားတွေ၊ ရန်လိုမှုတွေက မမြင်ရတဲ့နေရာတွေမှာ ပလုံစီနေလိမ့်မယ်၊ အပြန်အလှန် သတ်ကြ ဖြတ်ကြပြီး လူတွေအများကြီး သေသွားကြပြီ၊ ဒါတွေ (နာကျင်မှုတွေ) က ချက်ချင်း ပျောက်သွားနိုင်တာမှ မဟုတ်ပဲ။。
 မေး... လစ်ဗျားနိုင်ငံသားတွေကတော့ အန်တီ့အမြင်ကို သဘောတူချင်မှ တူမယ်ထင်တယ်ဗျ၊ ကဒါဖီကြီး ရက်စက်လွန်းလို့ အဲလိုဖြစ်ကုန်တာလို့ သူတို့ပြောမှာပေါ့။
 ဖြေ... သူတို့ (အကြမ်းဖက်တော်လှန်ရေး) မှားတယ် မှန်တယ်လို့ အန်တီ ပြောနေတာ မဟုတ်ဘူး၊ အဲဒီလမ်းစဉ်ရဲ့ ရလဒ်ကို ပြောနေတာပါ။ တော်လှန်ရေးအတွက် အကြမ်းဖက်ရခြင်းရဲ့ အကြောင်းရင်းက ဘာပဲဖြစ်နေနေ အကျိုးဆက်ကိုတော့ အချိန်အများကြီး အကုန်ခံပြီး ခက်ခက်ခဲခဲ ဖြေရှင်းရမှာပါ။ 
မေး... အယုံအကြည်ကင်းမဲ့မှုတွေ၊ မသေချာ မရေရာခြင်းတွေရဲ့ ဖျက်ဆီးခြင်းကို နှစ်ရှည်လများ ခံခဲ့ရတဲ့ မြန်မာ့ လူ့အဖွဲ့အစည်းကို အသိတရားနဲ့ယှဉ်ပြီး ဖျောင်းဖျယူတဲ့နည်းနဲ့ ဒီလိုယုံကြည်စိတ်တွေ သွင်းပေးတာက မြန်မာ့ ဒီမိုကရေစီတော်လှန်ရေးရဲ့ တကယ့်အနှစ်သာရပဲလို့ အန်တီပြောဖူးတယ်နော်။ 
 ဖြေ... လေတလုံး မိုးတလုံး ဟောပြောပွဲတွေနဲ့ ပရိသတ်ကို မင်း ဆွဲဆောင်နိုင်ပါတယ်၊ ဒါပေမယ့် ချက်ချင်းဆိုသလို မေ့သွားမှာပဲ။ အကယ်၍များ အပြောင်းအလဲရှိရမယ်ဆိုတာ ယုံကြည်နေဖို့ သူတို့ကို အသိတရားနဲ့ နားချနိုင်ရင်တော့ မင်းအနောက်ကနေ သူတို့တသက်လုံး လိုက်လာပါလိမ့်မယ်။ ဖိနှိပ်ချုပ်ချယ်နေတဲ့ ကာလတွေမှာ သူတို့ ထုတ်မပြောရဲကြပေမယ့် သူတို့စိတ်ထဲမှာတော့ ပိုကောင်းတဲ့ လူ့ဘောင်ဆိုတာ လူတစ်ဦးချင်းရဲ့ လွတ်လပ်ခွင့်ကို အားပေးအားမြှောက် ပြုနိုင်ရမယ် လို့ပဲ ခံယူထားကြမှာပါ။
  မေး... ဒီလိုစကားမျိုး ကြားရတာ ပြီးပြည့်စုံနေသလိုပဲဗျာ၊ ဒါပေမယ့် သူတို့ကို အသိတရား ဝင်လာအောင် နားချတာနဲ့ တော်လှန်ရေးအတွက် လှုံ့ဆော်တာနဲ့က ဝိရောဓိဖြစ်နေသလားလို့။ 
 ဖြေ... တော်လှန်ရေးဆိုတာ ပြောင်းလဲခြင်းအနက်ကို ဆောင်နေတာပဲ၊ ဒါကြောင့် စိတ်ပိုင်းဆိုင်ရာ   တော်လှန်ရေးကြီး တကယ့်ကို လိုအပ်နေတာ။ ယုံကြည်စိတ်ကင်းမဲ့ပြီး လမ်းစပျောက်နေတဲ့ လူတစ် ယာက်က ဒီလိုနည်းနဲ့ သူ့ကိုယ်သူ ပြန်ရှာတွေ့သွားပြီး ယုံကြည်စိတ်တွေ ပြန်ဝင်လာရင် စိတ်ပိုင်း ဆိုင်ရာ တော်လှန်ရေးက အစပျိုးသွားပြီ။ ဒါဟာ အပေါ်ယံက ကြီးကြီးမားမား ပြောင်းလဲမှုတွေထက် အများကြီး စစ်မှန်တဲ့ ပြောင်းလဲမှုပဲ။

 မေး... Gustave Le Bon ရဲ့ The Crowd; study of the popular mind ကို ဘယ်လိုမြင်ပါသလဲ ခင်ဗျ။

 ဖြေ... အန်တီမဖတ်ဖူးဘူး၊ အန်တီဖတ်တာတွေက သူတို့ (မိတ်ဆွေနဲ့ ကူဖော်လောင်ဖက်တွေ) ပေးတဲ့ စာအုပ်တွေပဲ။ တဆိတ်လောက် ပြောပြပါဦး။。 ...ဥပမာအားဖြင့် Le Bon က လူထုဆိုတာ မျက်ကန်းနောက်လိုက်တွေ၊ အလွယ်လေး ထိန်းချုပ်လို့ရတယ်လို့ မြင်တယ်လေ။ ဩော်၊ crowd 
mentality လား။ အင်း ဟုတ်တယ်၊ ဟစ်အော်ပေါက်ကွဲနေတဲ့ လူအုပ်ကြီးထဲ ရောက်နေရင် စိတ်ခံစား
မှုတွေ ကူးစက်ပြီး တွန်းအားပေးခံရမှာပဲ၊ ဒါပေမယ့် ကိုယ်စီကိုယ်ငှ အိမ်ပြန်ရောက်ကြတဲ့အခါ ခံစားမှု
တွေ တူချင်မှတူတော့မယ်။ ပြီးတော့ crowd mentality ကို အများအားဖြင့် မကောင်းမှုတွေလုပ်ဖို့ အသုံးချကြတယ်၊ ဒါကြောင့် အားမပေးသင့်ဘူး။ သို့သော် ပြည်သူတွေ စည်းလုံးလာပြီး တူညီတဲ့ ရည်မှန်းချက်တစ်ခုတည်းအတွက် ကြိုးစားကြမယ်ဆိုရင် အဲဒါ crowd mentality နဲ့ မတူတော့ဘူး၊ အဲဒါကနေ လှုံ့ဆော်ပေးလိုက်တာက လူ့ပင်ကိုယ်စရိုက်ရဲ့ ဒေါက်ခနဲ ဒက်ခနဲပေါ်လာတဲ့ အသိစိတ်တမျိုးပဲ။-- ဆက်ရန်ရှိသည်။ အပြည့်အစုံကို တရုတ်ဘာသာဖြင့် ဖတ်ရှုလိုသူများ ဤသို့ သွားပါ။ တခြားနေရာသို့ ကူးတင်လိုလျှင် ထွက်ရပ်ကိုပါ ဖော်ပြပေးပါ၊ ကျေးဇူးတင်ပါသည်။