( အားလုံး အပျော်လေးတွေ မျှဝေ ခံစားနိုင်ဖို့ပါ။ Internet မှာ တင်ထားတဲ့ အသံဖိုင်ကနေ ပြန်ရိုက်ထားတာပါ။ ဒီလို ဆုံးဖြတ်ချက်ဟာ အစိုးရနဲ့ ပြည်သူကို တစ်သားတည်း ဖြစ်စေတဲ့ ၂၀၁၁ ခုနှစ် အတွင်း အရေးအကြီးဆုံး ဆုံးဖြတ်ချက် ဖြစ်ပါတယ်။ ဒေါ်အောင်ဆန်းစုကြည်ပြော သလိုပဲ ဧရာဝတီကနေ အမျိုးသား စည်းလုံး ညီညွတ်မှုကို တည်ဆောက်ကြပါစို့)
အကြောင်းအရာ။ သ၀ဏ်လွှာ ပေးပို့ခြင်း
၁။ ပထမအကြိမ် အမျိုးသား လွှတ်တော် ဒုတိယပုံမှန် အစည်းအဝေးကို ပြည်သူတို့၏ အကျိုးငှာ အားသွန် ခွန်စိုက် ကျင်းပ ပြုလုပ်နေသည့် ဥက္ကဋ္ဌကြီးနှင့်တကွ ပြည်သူ့ လွှတ်တော် ကိုယ်စားလှယ်များ အားလုံး ကိုယ်စိတ်နှစ်ဖြာ ကျန်းမာ ချမ်းသာ ကြပါစေရန် ဆုတောင်း မေတ္တာပို့သအပ်ပါသည်။
၂။ တစ်ချိန်တည်း၌ပင် မိမိတို့ ပြည်ထောင်စု အစိုးရ၊ တိုင်းဒေသကြီးနှင့် ပြည်နယ်အစိုးရ အဖွဲ့များအနေနှင့်လည်း ကောင်းမွန်သော အုပ်ချုပ်ရေး၊ သန့်ရှင်းသော အစိုးရ ဖြစ်ပေါ်ရေး၊ ဒီမိုကရေစီ ကျင့်စဉ်များ ထွန်းကားရေး၊ တရားဥပဒေ စိုးမိုးရေး၊ စီးပွားရေး ပြုပြင် ပြောင်းလဲရေးနှင့် သဘာဝ ပတ်ဝန်းကျင် ထိန်းသိမ်းရေး လုပ်ငန်းများကို ဟန်ချက်ညီစွာ ဆောင်ရွက်လျက် ရှိပါသည်။
၃။ တိုင်းရင်းသား ပြည်သူအပေါင်းတို့၏ တူညီသော မျှော်မှန်းချက်သည် နိုင်ငံတော် တည်ငြိမ် အေးချမ်းရေးနှင့် နိုင်ငံတော် ခေတ်မီ ဖွံ့ဖြိုးရေးတို့ ဖြစ်ပါသည်။ ပြည်ထောင်စု အစိုးရသည် တိုင်းရင်းသား ပြည်သူတို့၏ ဆန္ဒနှင့်အညီ နိုင်ငံတော် တည်ငြိမ် အေးချမ်းရေး အတွက် ဥပဒေပြင်ပသို့ ရောက်ရှိနေသည့် တိုင်းရင်းသား လက်နက်ကိုင် အဖွဲ့အစည်းများအား ထာဝရ ငြိမ်းချမ်းရေး ရရှိရန် ဆက်သွယ် ကမ်းလှမ်း ဖိတ်ခေါ် ဆောင်ရွက်ခဲ့ရာ ယခုအခါ အထူးဒေသ(၂) "ဝ" အဖွဲ့နှင့် အထူးဒေသ (၄) အဖွဲ့တို့သည် ပြည်နယ်အဆင့် သဘော တူညီချက်များ ရရှိခဲ့ပြီး ပြည်ထောင်စု အဆင့် ဆွေးနွေးပွဲများပင် စတင် ဆောင်ရွက်လျက် ရှိနေပြီ ဖြစ်ပါသည်။ အချို့အဖွဲ့များ သည်လည်း ပြည်နယ် အစိုးရများထံ ငြိမ်းချမ်းရေး ရယူရန် ဆက်သွယ် ဆောင်ရွက်မှုများ ရှိနေပါသည်။
၎။ တစ်ချိန်တည်း၌ပင် အကြောင်း အမျိုးမျိုးကြောင့် ပြည်ပသို့ ရောက်ရှိနေကြသည့် မြန်မာနိုင်ငံသား တိုင်းရင်းသား များလည်း ကိုယ့်နိုင်ငံ၊ ကိုယ့်ဒေသသို့ ပြန်လာလိုပါက ပြန်လာနိုင်ရန် စိစစ်လက်ခံခဲ့ရာ တစ်ချို့ ပြန်လာနေကြပြီ ဖြစ်ပါသည်။ အကျဉ်းသားများ လွှတ်ပေးရေး ကိစ္စများကိုလည်း ဖွဲ့စည်းပုံ အခြေခံဥပဒေပါ အပ်နှင်းထားသည့် အခွင့်အာဏာ အတွင်းမှ ဆောင်ရွက် ပေးသွားမည် ဖြစ်ပါသည်။ အမျိုးသား အကျိုးစီးပွား အတွက် ထိုသို့ အရှိန်အဟုန်ဖြင့် ဆောင်ရွက်နေချိန်တွင်
ပါတီအချို့နှင့် အင်အားစု အချို့တို့သည် အစိုးရ အခက်အခဲ အကျပ်အတည်း တွေ့အောင်၊ တည်ငြိမ် အေးချမ်းမှု ပျက်ပြားအောင် ကြံရွယ်၍ လှုပ်ရှား လုပ်ဆောင်မှုများ ပြုလုပ်နေကြသည်ကို စိတ်မချမ်းမြေ့ဖွယ် တွေ့ရှိနေရပါသည်။
ပါတီအချို့နှင့် အင်အားစု အချို့တို့သည် အစိုးရ အခက်အခဲ အကျပ်အတည်း တွေ့အောင်၊ တည်ငြိမ် အေးချမ်းမှု ပျက်ပြားအောင် ကြံရွယ်၍ လှုပ်ရှား လုပ်ဆောင်မှုများ ပြုလုပ်နေကြသည်ကို စိတ်မချမ်းမြေ့ဖွယ် တွေ့ရှိနေရပါသည်။
၅။ တိုင်းပြည် ခေတ်မီဖွံ့ဖြိုးရေး အတွက် စိုက်ပျိုးရေးကို အရှိန်အဟုန်မပျက် တိုးတက်အောင် ဆောင်ရွက်ရင်း စက်မှုနိုင်ငံ ထူထောင်နိုင်ရန် ရည်ရွယ်၍ ကြိုးပမ်း ဆောင်ရွက်လျက် ရှိပါသည်။ ထိုသို့ ကြိုးပမ်း ဆောင်ရွက်ရာတွင် စက်မှုနိုင်ငံ ထူထောင်နိုင်ရန် လျှပ်စစ်စွမ်းအင် လိုအပ်ချက်သည် အဓိကကျပါသည်။ လျှပ်စစ်စွမ်းအင် ရရှိနိုင်သည့် နည်းလမ်းများ အနက် အဏုမြူစွမ်းအင် ထုတ်လုပ် သုံးစွဲရေးမှာ ကမ္ဘာ့ဖြစ်စဉ်များ အရ အန္တရာယ် ကြီးမားလှသည့်အပြင် ငွေကြေး မပြည့်စုံမှု၊ နိုင်ငံရေးအရ၊ အများသူငါ လက်မခံမှုတို့ကြောင့် မိမိတို့နိုင်ငံ အတွက် မဖြစ်နိုင်သောကိစ္စ ဖြစ်ပါသည်။ ကျောက်မီးသွေးဖြင့် လျှပ်စစ် ဓာတ်အား ထုတ်လုပ်ရန် ကျောက်မီးသွေး သယံဇာတမှာလည်း တစ်နိုင်ငံလုံး အတွက် လုံလောက်မှု မရှိသည်ကို ကိုယ်စားလှယ်တော်ကြီးများ အသိပင် ဖြစ်ပါသည်။
၆။ မြန်မာ့ပင်လယ်ပြင်မှ သဘာဝ ဓာတ်ငွေ့ ထွက်ရှိသော်လည်း ပြည်ပ အရင်းအနှီးများဖြင့် ထုတ်လုပ်သည့် ကိစ္စဖြစ်၍ မိမိတို့ လိုအပ်သလောက် မရနိုင်ဘဲ အချို့အဝက်သာ ခွဲဝေရရှိပါသည်။ ပြည်ပချေးငွေဖြင့် အရင်းအနှီးအချို့ ထည့်ဝင်ထားခဲ့ရာ အနာဂတ်တွင် အကျိုးခံစားရမည် ဖြစ်သော်လည်း လောလောဆယ်တွင်မူ ချေးငွေအပေါ် အတိုးများ အရစ်ကျ ပေးဆပ်နေရသည့် အခြေအနေ ဖြစ်ပါသည်။ ကုန်းတွင်း၌ သဘာဝ ဓာတ်ငွေ့ ရှာဖွေ ထုတ်လုပ် နေသော်လည်း ပြည်တွင်း သုံးစွဲရန်အတွက်ပင် လုံလောက်မှု မရှိသေးပါ။
၇။ မြန်မာနိုင်ငံတွင် ပြည့်ဖြိုးမြဲ ဖြစ်သော ရေအားလျှပ်စစ် ထုတ်ယူနိုင်သည့် သဘာဝက ပေးထားသော မြစ်ချောင်းများ ရှိနေသဖြင့် အဆိုပါ မြစ်ချောင်းများမှ ပြည်တွင်း ပြည်ပ အရင်းအနှီးများ ရယူ၍ လျှပ်စစ်ဓာတ်အား ထုတ်ယူနိုင်ရေး အတွက် တပ်မတော် အစိုးရ လက်ထက်တွင် ကြိုးပမ်း ဆောင်ရွက်ခဲ့ရာ ယခင်က ရေအားလျှပ်စစ် ဓာတ်အားပေး စက်ရုံ (၂) ရုံ၊ သဘာဝ ဓာတ်ငွေ့သုံး ဓါတ်အားပေး စက်ရုံ (၇)ရုံသာ ရှိခဲ့ပြီး စုစုပေါင်း စက်တပ်ဆင်အား (၅၂၉) မဂ္ဂါဝပ် သာရှိခဲ့ရာမှ နောက်ထပ် လျှပ်စစ် ဓာတ်အားပေး စက်ရုံ(၂၃)ရုံ စက်တပ်ဆင်အား(၂၈၃၁) မဂ္ဂါဝပ် တိုးတက် ဆောင်ရွက်ခဲ့ပါသည်။
၈။ နှစ်(၃၀) လျှပ်စစ်မဟာဗျူဟာ စီမံကိန်းအရ နောက်ထပ် ရေအား လျှပ်စစ် စီမံကိန်း(၆၄)ခုနှင့် ကျောက်မီးသွေး ဓါတ်အားပေးစက်ရုံ (၃) ခုအပါအဝင် လျှပ်စစ် ဓါတ်အား ထုတ်လုပ်ရန် စက်တပ်ဆင်အားမဂ္ဂါဝပ် (၄)သောင်းကျော် ထုတ်လုပ်နိုင်သည့် အလားအလာများ ရှိပါသည်။ အဆိုပါ စီမံကိန်းများတွင် ကချင်ပြည်နယ်ရှိ မေခ၊ မလိခ မြစ်ညာ မြစ်ဝှမ်းနှင့် ဧရာဝတီ မြစ်ဆုံစီမံကိန်း (၈) ခု အပါအဝင် ဖြစ်ပါသည်။
၉။ တရုတ်ပြည်သူ့ သမ္မတနိုင်ငံ၏ ငွေကြေး အရင်းအနှီးဖြင့် ဧရာဝတီမြစ်ဆုံ ရေအားလျှပ်စစ်စီမံကိန်းကို ပထမအဆင့် ဆောင်ရွက်ရန် စတင်ခဲ့ရာ ယခု အခါတွင် အဆိုပါ မြစ်ဆုံ စီမံကိန်းနှင့် ပတ်သက်၍ ပြည်သူလူထုအတွင်း အောက်ပါ စိုးရိမ် ပူပန်မှုများ ရှိလာခဲ့ပါသည်-
(က) | ကချင် ပြည်နယ်အတွက် သာမက မြန်မာနိုင်ငံအတွက်ပါ သဘာဝက ပေးထားသော (Land Mark) ဖြစ်သည့် မြစ်ဆုံ သဘာဝ အလှအပ ပျောက်ကွယ်သွားနိုင်ခြင်း၊ |
(ခ) | မြစ်ညာပိုင်းရှိ တိုင်းရင်းသား ကျေးရွာများ ရေနစ်မြုပ်၍ ၎င်းတို့၏ အသက်မွေး ဝမ်းကျောင်း လုပ်ငန်းများ ဆုံးရှုံးပျက်စီး သွားနိုင်ခြင်း၊ |
(ဂ) | ပုဂ္ဂလိကများမှ ငွေကြေး အရင်းအနှီးများစွာ စိုက်ထုတ်၍ စီးပွားဖြစ် စိုက်ပျိုး ထားသည့် ရော်ဘာ စိုက်ခင်းများနှင့် ကျွန်းစိုက်ခင်းများ ပျက်စီးသွားနိုင်ခြင်း၊ |
(ဃ) | ရာသီဥတု ဖောက်ပြန်မှုကြောင့် မြောက်ဖျားရှိ ရေခဲတောင်များ အရည်ပျော်ခြင်း၊ မိုးသည်းထန်စွာ ရွာသွန်းခြင်း၊ အင်အား ပြင်းထန်သည့် ငလျင်လှုပ်ခြင်းတို့ ဖြစ်ပေါ်လာပါက မြစ်ဆုံဆည် ပျက်စီးပြီး ဆည်အောက်ပိုင်းရှိ မြို့ရွာများနှင့် ပြည်သူများ သေကြေ ပျက်စီးမှုရှိနိုင်ခြင်း၊ |
(င) | ဧရာဝတီမြစ်ကြီး ထိခိုက်ပျက်စီးနိုင်ခြင်း၊ |
စသည်ဖြင့် ပြည်သူအချို့မှ စိုးရိမ်ပူပန်မှု ရှိနေကြသည်ကို မိမိတို့ ကြားသိနေရပါသည်။
၁၀။ မိမိတို့ အစိုးရသည် ပြည်သူမှ ရွေးချယ် တင်မြှောက် ထားသည့် အစိုးရဖြစ်၍ ပြည်သူများ၏ ဆန္ဒကို အလေးထားရပါမည်။ ပြည်သူများ၏ စိုးရိမ်ပူပန်မှုများကို အလေးထား၍ ဖြေရှင်း ဆောင်ရွက်ပေးရန် တာဝန်ရှိပါသည်။ သို့ပါ၍ မိမိတို့ အစိုးရ လက်ထက်တွင် မြစ်ဆုံဆည် တည်ဆောက်ခြင်းကို မပြုလုပ်စေဘဲ ရပ်ဆိုင်း ထားမည် ဖြစ်ပါသည်။ နိုင်ငံတော် အတွက် လိုအပ်နေသည့် လျှပ်စစ် ဓာတ်အား ရရှိရေးအတွက် အန္တရာယ် မရှိနိုင်သည့် အခြားသော ရေးအားလျှပ်စစ် စီမံကိန်းများကိုသာ စနစ်တကျ လေ့လာ ဆန်းစစ်၍ ဆောင်ရွက်သွားမည် ဖြစ်ပါသည်။ အိမ်နီးချင်း မိတ်ဆွေနိုင်ငံ ဖြစ်သည့် တရုတ်ပြည်သူ့ သမ္မတနိုင်ငံနှင့် ချုပ်ဆိုထားသည့် အဆိုပါ စီမံကိန်းနှင့် သက်ဆိုင်သော စာချုပ်စာတမ်းများကို မိတ်ဝတ် မပျက်စေဘဲ သဘောတူ လက်ခံအောင် ညှိနှိုင်း ဆောင်ရွက် သွားမည် ဖြစ်ပါကြောင်း ဤလွှတ်တော်သို့ အသိပေးအပ်ပါသည်။
သမတကြီးဦးသိန်းစိန်၏ သ၀ဏ်လွှာသည် တိုင်းပြည်နှင့်လူမျိုးတို့ အတွက် မှန်မှန်ကန်ကန်ဖြင့် မလိမ်မညာ ကောက်ကျစ်ခြင်းမရှိဘဲ ရိုးသားစွာဖြင့် ရေးသားခဲ့ခြင်းမှန်လျှင် ၀မ်းသာကျေနပ်ရပါသည်။ တိုင်းပြည်ကြီးသည် ၁၉၆၂ ခုနှစ်တွင် ဦးနေ၀င်းအစိုးမှ အာဏာသိမ်းခဲ့ပြီး မြန်မာ့ဆိုရှယ်လစ်လမ်းစဉ် တပါတီစနစ်ဖြင့် ၂၆ နှစ်ကြာအုပ်ချုပ်ခဲ့သောကြောင့် တိုင်ပြည်ရေတိမ်နစ်ခဲ့ရသည်။
၁၉၈၈ ခုနှစ်တွင် တပါတီစနစ်ကိုတော်လှန်ကာ ပါတီစုံဒီမိုကရေစီနစ်ကို လူထုလှုပ်ရှားမှုကြီးဖြင့် တောင်းဆိုခဲ့ရာ စစ်တပ်မှအာဏာသိမ်းခဲ့ပြန်သည်။ ၁၉၉၀ ခုနှစ်တွင် စစ်တပ်မှလွတ်လပ်၍တရားမျှတသော အထွေထွေ ရွေးကောက်ပွဲကျင်းပပေးခဲ့ရာ အမျိုးသားဒီမိုကရေစီအဖွဲ့ ချုပ်မှပြည်သူ့ ၏ဆန္ဒဖြင့် ၈၂%ကျော်အနိုင်ရခဲ့သည်။ သို့ သော်လည်း စစ်တပ်မှ အာဏာလွှဲပြောင်းပေခြင်းမရှိဘဲ ပျက်ကွက်ခဲ့သောကြောင့် စစ်မှန်သောဒီမိုကရေစီနိုင်ငံထူထောင်ရန်
နောက်ကျခဲ့ရပြီး အဆင်းရဲဆုံးနိုင်ငံဘ၀သို့  ရောက်ရှိခဲ့ရသည်။ ၂၂ နှစ်ခန့်  စစ်အာဏာရှင်စနစ်ဖြင့် အုပ်ချုပ်ခဲ့သောကြောင့် တိုင်းပြည်သည် နစ်နာခဲ့ရပြီး ပြည်သူများလည်း ဒုက္ခဆင်းရဲခံခဲ့ရကာ နိုင်ငံသည်လည်း ဒုက္ခသည်နိုင်ငံဖြစ်ခဲ့ရသည်။၂၀၁၀ ခုနှစ်တွင် စစ်တပ်မှ တဘက်သတ် မဲလိမ်မဲခိုးများဖြင့် အနိုင်ယူခဲ့သောကြောင့် ပြည်သူများနှင့်နိုင်ငံတကာက ရှုံ့ ချခြင်းခံခဲ့ရသည်။ ၄၈နှစ်လုံးလုံး စစ်တပ်ကအုပ်ချုပ်ခဲ့တာ တိုင်းပြည်ဖွံ့ ဖြိုးတိုးတက်မှုမရှိဘဲ အရှေ့ တောင်အာရှာမှာ တချိန်က ရွှေနိုင်ငံဖြစ်ခဲ့တဲ့ မြန်မာနိုင်ငံဟာ ယခုအချိန်မှာတော့ နောက်ဆုံးက ပြန်စနေရပါတယ်။ တပ်မတော်သားတွေဟာ တပ်မတော်သာအမိ တပ်မတော်သာ အဖ ဆိုပြီး တပ်မတော်သားတွေဟာ တိုင်းပြည်ကို ချစ်ပါတယ်လို့  ဆိုပါတယ်။ တိုင်းသူပြည်သားတွေဟာလည်း တိုင်းပြည်ကိုချစ်လို့  မဟုတ်မမှန်တာတွေကို ရဲရဲဝံ့ဝံ့ ထောင်တွင်းအကျဉ်ကျခံ အနှိမ့်စက်ခံပြီး အာဏာကိုဖီဆန်ပြီး နိုင်ငံအရေး ဘာသာရေး လူမျိုးရေးအတွက် အနစ်နာခံ ပေးဆပ်နေကြသူတွေဖြစ်ပါတယ်။ မြန်မာနိုင်ငံသားတွေ ဒုက္ခသည်ဖြစ်ရ နိုင်ငံအစိုးရကိုကန့် ကွက်ကြ ဆန္ဒပြကြတယ်ဆိုတာ တိုင်းပြည်အရေးမို့  ကိုယ်နိုင်ငံအတွက် ဆောင်ရွက်ကြတာ တိုင်းပြည်ကိုချစ်လို့ ပါ။ တပ်မတော်သားဘဲ တိုင်းပြည်ချစ်တာမဟုတ်ပါဘူး ပြည်သူတွေလည်းတိုင်းပြည်ချစ်ကြပါတယ်။ နိုင်ငံရေးအကျဉ်းသားတွေကို အမြန်ဆုံးပြန်လွတ်ပေးသင့်ပါပြီ ဦးသိန်းစိန် အစိုးရသစ်တက်လာပြီး ၆လ အကြာမှာ အပြောင်းလဲတွေ မြန်မြန်ဆန်ဆန်တွေ့ မြင်နေရတာဟာ တိုင်းပြည်အတွက် အင်မတန်မှ အရေးကြီးတယ်ဆိုတာ အစိုးရသစ် သမတ ဦးသိန်းစိန် ပိုပြီးနားလည်ပါလိမ့်မယ်။ သမတ တယောက်အနေနဲ့  ပေးခဲ့တဲ့ကတိတွေကို မဖျက်ဖို့ တော့လိုပါတယ်။မြစ်ဆုံစီမံကိန်ကို ဦးသိန်းစိန်အစိုးရလက်ထက်မှာ ဆက်မလုပ်တော့ပါဘူး မိမိတို့ အစိုးရသည် ပြည်သူမှ ရွေးချယ် တင်မြှောက် ထားသည့် အစိုးရဖြစ်၍ ပြည်သူများ၏ ဆန္ဒကို အလေးထားရပါမည်။ ပြည်သူများ၏ စိုးရိမ်ပူပန်မှုများကို အလေးထား၍ ဖြေရှင်း ဆောင်ရွက်ပေးရန် တာဝန်ရှိပါသည်ဟု ပြောဆိုထားသော ကတိများကို သမတကြီးလေးစားဖို့ လိုအပ်ပါသည်။ ပြည်သူ့ ဆန္ဒနှင့်အညီ Democracy Right ကိုအလေးထားရမည်ဖြစ်ပါသည်။
