ထောင်အသီးသီးမှ နိုင်ငံရေးအကျဉ်းသားများအပါအ၀င် အကျဉ်းသားများ လွတ်ငြိမ်းခွင့်ဖြင့် လွှတ်ပေး

 

 

၂၀၁၃-၄-၂၃

သာယာဝတီထောင်မှ ယနေ့ညနေ လွတ်မြောက်လာကြသူများထဲတွင် နိုင်ငံရေးအကျဉ်းသားများ               ဖြစ်ကြသော ကိုအောင်သူ နှင့် ကိုအေးမင်းဖြိုး(ခေါ်) သားကြီးတို့လဲ ပါဝင်သည်ဟု သတင်းရရှိပါသည်။

အင်းစိန် အကျဉ်းထောင်မှနိုင်ငံရေးအကျဉ်းသား ၆ ယောက်လွတ်မြောက်သည်။ နိုင်ငံရေးအကျဉ်းသား များဖြစ်ကြသောကိုရဲထက်စိုး၊ ကိုဇော်မိုး၊ ကိုနေမျိုးသူရ၊ ကိုစိုင်းအောင်ကျော်တို့ (၄)ဦးတို့ သည်
လွတ်ငြိမ်းချမ်းသာခွင့်ဖြင့် လွတ်မြောက်လာသည်ဟု သိရှိရသည်။

ပြည်ထောင်စု သမ္မတ မြန်မာနိုင်ငံတော်၊ နိုင်ငံတော်သမ္မတသည် နိုင်ငံရေး လုပ်ငန်းစဉ်များတွင် အားလုံးပါဝင်ခွင့် ရရှိစေရေး အတွက်လည်းကောင်း၊ လူသားချင်း စာနာထောက်ထားမှုကို အလေးပေးသောအားဖြင့် လည်းကောင်း၊ နိုင်ငံအချင်းချင်း မိတ်ဝတ် မပျက် ဆက်ဆံရေး၊ နှစ်နိုင်ငံ ချစ်ကြည်ရေးတို့ကို ရှေ့ရှုသောအားဖြင့် လည်းကောင်း၊ လူမှုရေးအရ ငဲ့ညှာသော အားဖြင့်     လည်းကောင်း၊ အဆိုပါ အကျဉ်းသား/အကျဉ်းသူ (၉၃)ဦးတို့အား နိုင်ငံတော်၏ မေတ္တာနှင့်       စေတနာကို နားလည်ကြ ပြီး မိမိအကျိုး၊ ဒေသအကျိုး၊ နိုင်ငံအကျိုးအတွက် အများပြည်သူနှင့်အတူ တာဝန်ထမ်းဆောင်သွားနိုင်စေရန် ပြစ်ဒဏ် လွတ်ငြိမ်းခွင့် ပေးခဲ့ကြောင်း သတင်းရရှိပါသည်။

(ပြန်ကြားရေးဝန်ကြီးဌာန)